Gevert
From Wikipedia
Gevert (ok Gefert) is een plattdüütschen Vörnaam for Jungs.
[Ännern] Herkamen
Düsse Naam kümmt vun den olen germaanschen Naam Gebhard vun her. Dor steekt de beiden Wöör Geba (dat heet Geschenk) un harti (dat heet hart oder stark) in. De Naam Gebhard bedutt De veel gifft oder De gern Geschenke maakt.
[Ännern] De plattdüütsche Naam
Bi de plattdüütschen Naams is dat jümmers so, dat de ole Naam, de dorachter steken deit, afkört un tosamentrocken wurrn is. So is dat ok hier. Dat tweede Woord in den Naam Gebhard is so tosamentagen, dat dat meist bloß noch as een Anbacksel (Suffix) utsütt: Ut -hard is -ert wurrn. Just so weer dat ok bi de plattdüütschen Vörnaams Evert (ut Eberhard), Eilert (ut Eilhard) un Eggert (ut Eckehard). Dat b is to een v wurrn, as dat in de plattdüütsche Spraak faken vörkümmt. De Naam Gefert is man bloß een anner Schrievwies vun düssen Naam.
[Ännern] Tonaams
De plattdüütschen Tonaams Gefert, Gevert, Geverts un Gevers kaamt vun düssen Vörnaam her un bedüüt so veel, as : Ut Gevert sien Familie
Kiek ok nah bi de List vun plattdüütsche Vörnaams
