Lüdecke
From Wikipedia
Lüdecke (ok Lüdeke un Lüdicke) is een plattdüütschen Vörnaam for Jungs.
Inholtsverteken |
[Ännern] Herkamen
Lüdecke kümmt vun den plattdüütschen Jungsnaamen Lüder vun her. Lüdecke is de Smusenaam un heet so veel, as Lüttje Lüder.
[Ännern] De plattdüüsche Vörnaam
Een Smusenaam for lüttje Gören warrt in't Plattdüütsche tomeist mit een Anbacksel (Suffix) to'n Lüttjer maken (Diminutiv) an dat Enne vun den Naam maakt. Düt Anbacksel is tomeist -ike oder -ke. Just so weer dat ok bi den Naamen Lüder. Toeerst is dat een beten afkört wurrn to Lüde, denn keem dor dat Anbacksel -ke an, un de Smusenaam Lüdeke weer fardig. Dortiets geev dat noch keenen Duden un keenen Sass un jedeen hett schreben, as em dat richtig düch. So geev dat ok de Schrievwies Lüdecke.
[Ännern] Fundöörd
- 1659 in Bremen(Lüdeke)
[Ännern] Plattdüütsche Tonaams
Vun düssen Vörnaam stammt ok de plattdüütschen Tonaams Lüdecke, Lüdeke, Lüdicke, Lüdke, Lüdtke un Lüttge af. De bedüüt so wat, as Ut Lüdecke siene Familie oder ok Vun Lüdecke sienen Hoff.
Kiek ok nah bi de List vun plattdüütsche Vörnaams
[Ännern] Böker
- Müller, Hartmut (Rutgever): Peter Koster, Chronik der Kaiserlichen Freien Reichs- und Hansestadt Bremen 1600-1700, Bremen 2004, ISBN 3-86108-687-5
