Noyon
From Wikipedia
Noyon is een Stadt in den Norden vun Frankriek in de Region Picardie un in dat Département Oise. Se liggt um un bi 100 km in'n Norden vun Paris. In röömsche Tiet weer de Naam vun Noyon Noviomagus Veromanduorum.
De Grött vun de Gemeende is 1.800 Hektar. Se liggt so wat bi 52 m öber Normalnull. An de 15.000 Inwohners leevt dor. Dat gifft een grote gootsche Kathedraal un een Soot mit Naam Fontain du Dauphin ut dat Jahr 1771.
[Ännern] Historie
Um un bi 530 n.Chr. warrt Noyon de Stadt vun een Bischop. In dat Jahr 768 warrt Karl de Grote in Noyon to de Franken ehren König maakt. Up den 3. Juli 987 kriggt Hugo Capet in Noyon de Kroon vun den König vun Frankriek upsett'. Um un bi 1150 warrt anfungen mit den Boo vun de Kathedraal. An'n 13. August 1516 sluut Franz I. vun Frankriek un Kaiser Karl V. Freden in Noyon. Dorbi kriggt Frankriek Mailand in'e Hannen un gifft dor Neapel för up. 1559 warr Noyon in den Freden vun Chateau-Cambrésis an Frankriek verköfft.
[Ännern] Lüe
Johannes Calvin warrt an'n 10.Juli 1509 in Noyon baren. 1588 oder 1592 warrt Jacques Sarazin dor baren.
[Ännern] Wat antokieken is
- De Kathedraal
- Krüüzgang un Kapitelsaal vun dat Klooster bi de Kathedraal.
- De Bökeree ut dat 16. Jahrhunnert, ok bi de Kathedraal.
- De Palst vun den Bischop ut dat 16. un 17. Jahrhunnert. Dor is vundaage dat Museum vun de Stadt in.
- Dat Raathuus ut de Jahren vun 1485 bit 1523.
- Dat Calvin-Museum in dat Huus, wo Johannes Calvin in baren is.
- De Soot Fontaine du Dauphin vun 1771.
