Reformatschoon
From Wikipedia
De protestantsche Reformatschoon weer en Bewegung in den 16. Johrhunnert, de toerst de kathoolsche Kark reformeren wull. Man dat hett nich funkschoneert un toletzt hett dat to niegen Karken föhrt. De wichtigsten weern
- de evangeelsch-luthersche Kark
- de evangeelsch-reformeerte Kark
- de eersten Baptistenkarken (Mennoniten)
Bi de Reformatschoon hett 'n Barg vun Reformatoren mitmaakt, to'n Bispeel
- Martin Luther is in Düütschland de bekannteste, man he weer nich de eerste un ok nich de letzte Reformator. He hett de lutherische Kark anfangen. Man he wull, dat dat nich nach em nöömt warrt, man "evangeelsch" heten schull.
- Ulrich Zwingli het de Reformatschoon in de Swiez inföhrt. Sien Ideen hett he sülben ut de Bibel rutfunnen, man dat weer liek den Ideen vun Luther, de sien Ideen ok ut de Bibel harr.
- Johannes Calvin weer een Franzoos. He harr ok mit de Reformatschoon in de Schweiz to doon un is denn laterhen so wat as de Baas vun de Reformeerte Karken in Europa worrn.
- John Knox hett de Reformatschoon na Schottland bracht.
