Branko Tsrvenkovski
Frå Wikipedia – det frie oppslagsverket
Branko Tsrvenkovski (makedonsk Бранко Црвенковски), fødd 12. oktober 1962 i Sarajevo i Bosnia-Hercegovina (då Jugoslavia), er ein makedonsk politikar, og president i Makedonia sidan 2004. Han har òg vore statsminister i Makedonia i to periodar.
Tsrvenkovski studerte ingeniørfag ved universitetet i Skopje fram til 1986. I 1990 vart han vald til parlamentet i den makedonske delrepublikken i dei første frie vala i Jugoslavia. I 1991 vart han leiar for Makedonias Sosialdemokratiske Union (Sotsijaldemokratski Sojuz na Makedonija (SDSM)), etterfylgjarpartiet til kommunistpartiet i Makedonia. 5. september 1992 vart han Makedonia sin første statsminister etter lausrivinga frå Jugoslavia. Han sat som statsminister fram til 1998 og igjen frå 2002 til 2004.
14. og 28. april 2004 vart han vald til president med 42,5 % og 60,6 % av røystene i første og andre valomgang. Valoppslutninga var berre 53,8 %, dersom oppslutninga hadde vore lavare enn 50 % ville valet ha blitt annulert. Han vart innsett som president 12. mai 2004 og gjekk då av som statsminister. Som president er rolla hans stort sett seremoniell.
| Føregjengar: Nikola Kljusev |
Statsminister i Makedonia |
Etterfylgjar: Ljubtsjo Georgievski |
| Føregjengar: Ljubtsjo Georgievski |
Statsminister i Makedonia |
Etterfylgjar: Radmila Sjekjerinska |
| Føregjengar: Boris Trajkovski |
President i Makedonia (2004–)
|
Etterfylgjar: |
