Kåre Willoch

Frå Wikipedia – det frie oppslagsverket

Kåre Isaachsen Willoch (f. 3. oktober 1928) i Oslo) er ein norsk politikar. Han var leiar av partiet Høgre frå 1970-74 og statsminister i Noreg frå 1981-86. I 1981 danna han den fyrste reine høgreregjeringa sidan 1927. Frå sommaren 1983 vart Senterpartiet og Kristeleg Folkeparti med i regjeringa, regjeringa vart då ei koalisjonsregjering.

På 1980-talet stod Willoch i spissen for ei høgrebølgje i norsk politikk. Arbeidarpartiet gjekk attende og Høgre fekk auka oppslutnad. Willoch var i mange ordskifte med leiaren i Arbeidarpartiet, Gro Harlem Brundtland. Saman vart dei kjend som berre Gro og Kåre.

Willoch er utdanna siviløkonom, og arbeidde tidlegare i Norges Rederiforbund og Norges Industriforbund.

Dei seinare åra har han engasjert seg særleg for Palestina i konflikten med Israel, og har nytta utsegner som «Riv skammens mur!». Mange Israelvener hevdar at Willoch er antisemittisk. Willoch har vorte populær mellom mange norske sosialistar i Noreg dei siste åra, med sitt engasjement for naturvern og menneskerettar

Føregjengar:  Gro Harlem Brundtland

Statsminister i Noreg (1981–1986)

Etterfylgjar:  Gro Harlem Brundtland

[endre] Yrkeskarriere

• 1953 - Utdannet cand.oecon.
• 1954-63 - Tilsett i Norges Industriforbund
• 1957-89 - Stortingsrepresentant for Oslo Høgre
• 1963-65 - Generalsekretær i partiet Høgre
• 1963 - Handelsminister i Jon Lyng si regjering (august-september)
• 1965-70 - Handelsminister i Per Borten si regjering
• 1970-74 - Formann i Høgre
• 1970-81 - Parlamentarisk leiar for Høgre si stortingsgruppe
• 1981-86 - Norsk statsminister
• 1986- - Visepresident i den Internasjonale Demokratiske Union
• 1988-? - President for Norsk-tysk selskap (Deutsch-Norwegische Gesellschaft)
• 1989-98 - Fylkesmann i Oslo og Akershus
• 1990 - Leiar av Forsvarskommisjonen av 1990
• 1998-00 - Styreformann i NRK

[endre] Bibliografi

• Willoch, Kåre: Minner og meninger, Chr. Schibsteds Forlag, Oslo 1988, ISBN 82-516-1231-4
• Willoch, Kåre: Statsminister, Chr. Schibsteds Forlag, Oslo 1990, ISBN 82-516-1350-7
• Willoch, Kåre: Tanker i tiden Cappelen , 1999 , ISBN 82-021-8596-3
• Willoch, Kåre: Myter og virkelighet, Cappelen , 2002 , ISBN 82-022-0460-7
• Willoch, Kåre: Utfordringer, Cappelen , 2004 , ISBN 82-022-3572-3

[endre] Sjå òg

• Liste over dei lengst sitjande norske statsministrar
• Norske regjeringar
• Kåre Willoch si regjering, som avløyste Gro Harlem Brundtland si fyrste regjering. I 1986 vart Gro Harlem Brundtland si andre regjering skipa