Maritsa
Frå Wikipedia – det frie oppslagsverket
| Maritsa | ||
 |
||
| Utspring | Rila i Bulgaria | |
| Munning | Egearhavet, 14,5 km aust for Alexandroupoli | |
| Tilknytta land | Bulgaria, Hellas, Tyrkia | |
| Lengd | 480 km | |
| Høgd over havet ved utspring | 2 378 m | |
| Middelvassføring | 53 000 km² | |
Maritsa eller Evros (bulgarsk: Марица, gresk: Εβρος, romanisert som Hebrus, tyrkisk: Meriç) er den lengste elva som berre renn innafor Balkan med ei lengd på 480 km. Ho har sitt utspring i Rilafjella vest i Bulgaria, renn søraustover mellom Balkanfjella og Rodopifjella, forbi Plovdiv til Edirne i Tyrkia. Ein liten del av den nordlege breidda av elva ligg heilt inne i Tyrkia, og området vart gjeve til Tyrkia for at landsbyen Edirne skulle sleppe å ha Hellas på den andre sida av elva. Resten av elva dannar grensa mellom Tyrkia og Hellas. Nær Enez dannar elva eit delta og munnar ut i Egearhavet. Av sideelvar til Maritsa finn ein Tundzja og Arda. Den nedre delen av elva dannar grensa mellom Bulgaria og Hellas, og det meste av grensa mellom Hellas og Tyrkia. Elva er ikkje framkommeleg, men vert brukt til straumproduksjon og vatning.
Maritsa/Evros renn mellom anna gjennom Pazardzjik, Plovdiv, Dimitrovgrad og Svilengrad i Bulgaria, Edirne i Tyrkia og Kastanies, Pythio, Didymoteicho og Lavara i Hellas.
Kraftig regn og snøsmelting førte både i 2005 og 2006 til alvorlege flaumar. Årsaka til dette var mellom anna at fleire av dikene rundt elva braut saman, og vatnet strøymde 5-10 km bort frå sjøve elva.
[endre] Kjelde
Denne artikkelen er basert på ei omsetjing av artikkelen Maritsa frå Engelsk Wikipedia.
