Moskvaprosessane
Frå Wikipedia – det frie oppslagsverket
Moskvaprosessane er ein samnemnar for tre rettssaker som vart førte mot tidlegare framståande personar i Sovjetunionen i åra 1936 til 1938. Prosessane i Moskva vart sette i verk etter drapet på leiaren av kommunistpartiet si avdeling i Leningrad, Sergej Kirov.
Det har i ettertid vore hevda at Stalin sjølv stod bak dette for å kunne starte prosessane, men heller ikkje etter at arkiva vart opna har det komme noko prov for denne påstanden. Om lag 50 personar vart dømde i Moskvaprosessane, dei fleste til døden. Blant dei dømde var Nikolaj Bukharin, Lev Kamenev, Grigorij Zinovjev, Jurij Pjatakov, Karl Radek og Aleksej Rykov.
Rettssakene vart haldne med internasjonal presse til stades. Blant anna rapporterte den norske forfattaren Nordahl Grieg frå rettssakene, som au utgjorde grunnlaget for romanen Ung må verden ennu være.
I samtida vekte rettssakene stor oppsikt, ikkje minst på grunn av at mange tidlegare leiande bolsjevikar vedgjekk både landssvik og konspirasjon. I ettertid er dei fleste samde om at storparten av skuldingane og tilståingane var falske. Blant anna har filosofen Slavoj Zizek lagt vekt på dei psykologiske mekanismane som fekk dei anklaga til å tilstå slike skuldingar.
[endre] Bakgrunnsstoff
- The Red Book on the Moscow Trials av Leon Sedov
- Court proceedings: THE CASE OF THE TROTSKYITE-ZINOVIEVITE TERRORIST CENTRE
- And they all confessed...
- Dewey-kommisjonen sin rapport
Kjelde: Bokmålswikipediaen [1]
