Prognose Innerdalen
Frå Wikipedia – det frie oppslagsverket
Prognose Innerdalen er ein norsk dokumentarfilm frå 1981. Til liks med filmar som "Kampen om Mardøla" og "La elva leve!" handlar filmen om motstand mot vasskraftutbygging. Ordet "Prognose" i tittelen syner til styresmaktene sine prognoser, eller framskrivingar, for elektrisitetsforbruk.
Innerdalen er ein dal i Kvikne- traktene mellom Hedmark fylke og Sør-Trøndelag fylke. 1. november 1981 vart dalen lagt under vatn. Oppdemminga var ein del av Orkla-Grana kraftutbygginga.
Filmen handlar om kampen mot kraftutbygginga. Kampen lukkast ikkje, men filmen handlar om dei idealistiske naturvernarane sine ulike måtar å kjempa mot utbygginga. Dei ville redda den vakre dalen, som dei såg på som ei perle i den norske fjellheimen.
- Produsent: Elinor Film
- Regi, kamera og klipp: Oddvar Einarson
- Lyd: Sturla Einarson
- Lengd: 85 minutt
- Format: 16 mm
- Farge
- Norsk tekst og tale
