Snønipa
Frå Wikipedia – det frie oppslagsverket
| Snønipa | |
|---|---|
 Snønipa i kveldssol i juni 2006 |
|
| Andre namn: | |
| Høgd over havet: | 1827 |
| Primærfaktor: | 740 |
| Kommune: | Jølster (Sogn og Fjordane) |
| Område: | Jostedalsbreen |
| UTM-koord.: | 32 V 377779 6840490 |
| Geo.koord.: | 61°40′41″ N 006°41′25″ Ø |
| Førstebestiging: | |
| Lettaste rute: | |
| Kart: | 1318 II «Stryn» |
| Norske fjell | |
Snønipa er det høgaste fjellet i Jølster kommune og 1827 meter høgt. Fjellet ligg på vestsida av Jostedalsbreen i den bredelen som heiter Myklebustbreen, på grensa mellom Jølster, Gloppen og Stryn. Den er høgaste del av Myklebustbreen som med sine på om lag 50 kvadratkilometer er rekna som den sjuande største breen i Noreg. Frå toppen har ein særs flott utsikt over Myklebustbreen sine kvite flater og mot Jostedalsbreen i aust.
[endre] Adkomst:
Standardruta er frå Stardalen der det går kjerreveg opp Haugadalen til Haugastaulen (merket sti vidare gjennom Oldeskaret til Oldendalen). Ca. 1 km innanfor Haugastaulen forlatast ruta mot Oldeskaret og ein går opp til tunga på Haugabreden og opp denne. Ein går forbi, under, toppen og i ein nordleg bue før ein kjem inn mot toppen frå nordaust. Ei anna rute som er fin kring juni, er å starte frå Innvikdalen ved Prestestøylen. Der går ein opp eggen på Storlogpikjen, så på ski forbi Ceciliekruna og 2-3 mil over Myklebustbreen (Snønipebreen). Toppen tek ein her ogso frå nordaust opp til 1827 meterpunktet.
 |
Denne artikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han. |
| Sjå òg: Oversyn over spirer. | |
