Antòni Trial
Un article de Wikipèdia, l'enciclopèdia liura.
- Pels articles omonims, vejatz Trial (omonimia).
Antòni Trial, cantador deu sègle XVIIIau, vadut a Avinhon en 1737. Que hasó ua grana carrièra a l'operà, au maugrat de la soa votz nasicaira, en jogant ròlles de pecs e de paisans. Per'mor d'acò, que balhé, en musica, lo tèrme "votz de trial" per designar aquesta mena de votz. Que participé a la creacion de l'operà occitan Dafnís e Alcimadura. Durant la Terror que s'hiqué au costat de Robespierre e acò que ho, après la caduda d'aqueth regim, sorça de l'ostilitat deu public qui acabé la soa carrièra. Que s'morí a París lo 5 de Heurèr de 1795. D'autes membres de la soa familha que s'escadèn tanben en musica en aqueth temps: lo son hrair, lo violonista e compositor Joan-Claudi Trial, La sopràno Maria-Joana Trial,molhèr d'Antòni, (vaduda Milon), e lo hilh de Maria-Joana e d'Antòni, Armand-Emanuèl Trial, pianista e compositor.
