Bergen
Un article de Wikipèdia, l'enciclopèdia liura.
Bergen es una vila situada sus la còsta sud oèst de Norvègia, la segonda pus granda del país pel nombre d'abitants (239.209 en 2005) e tanben per son pòrt, sa ciutat universitària e so evescat.
Pròcha de l'Atlantic Nòrd, es situada dins una pichona plana litorala enrodada de puèches que n'entravan l'expansion urbana, e s'espandis per l'estrech que devesa lo Fjord Vågen, on se trapan las installacions portuarias. Lo seu clima es maritim (1,6°C en genièr e 14,4°C en julhet), amb de precipitacions abondantas (2.000-2.500 mm).
Es religada per trin a Òslo e possedis un aeropòrt internacional.
Es un centre comercial, portuari e industrial amb industria navala, electrometallurgica, de conservas de peis, tèxtila e de produches lachencs.
Lo barri de Bryggen, sul pòrt, es marcat al patrimòni mondial de l'UNESCO. Los seus ostals de fusta mirgalhats son una mostra dels vestigis de la poderosa liga anseatica.
Bergen foguèt en l'an 2000 la Ciutat Europea de la Cultura.
