Heavy metal
Un article de Wikipèdia, l'enciclopèdia liura.
Lo heavy metal qu'ei un estile de musica afiliat au rock.
Somari |
[Modificar] Originas
Lo tèrme "heavy metal" ("metau pesuc") que vien deu vocabulari anglés de la guèrra. Que designa l'artilharia pesuga. En musica, qu'estó utilizat en purmèr per un jornalista musicau american entà parlar d'un concèrt de Jimi Hendrix a la fin de las annadas 60. Viste, aquera expression qu'estó jutjada apropriada per designar la musica deus grops de hard rock mei puishents de l'epòca com Led Zeppelin, Deep Purple o Black Sabbath.
[Modificar] NWOBHM
Au començar de las annadas 80, navèths grops britanics que comencèn de har ua musica qui èra heavy metal mes qui s'esluenhava de la deus davancèrs de las annadas 60 e 70. Qu'estón aperats "new wave of british heavy metal" ("navèra andada de heavy metal britanic") o NWOBHM. Los mei coneishuts d'aqueths que son Iron Maiden, Judas Priest, Venom ... Musicaument, qu'èran diferents per'mor qu'espudivan las influéncias blues deus grops mei ancians. Qu'èran tanben mei agressius, autant au nivèu deus ritmes com au nivèu deu cant o de las paraulas.
[Modificar] Uei lo dia
Au dia de uei, qu'aperam heavy metal la musica influenciada peus grops de la segonda generacion e meilèu "hard rock" la deus grops de las annadas 60 e 70 e deus lors continuators contemporanèus.
[Modificar] Quauques grops famós
Iron Maiden (Reiaume Unit) Judas Priest (Reiaume Unit) Manowar (Reiaume Unit) Killers (Baiona) ADX (França)
