Istòria de Còsta Rica
Un article de Wikipèdia, l'enciclopèdia liura.
Còsta Rica foguèt un di centres li mai importants de l'America centrala per la metallurgia de l'aur (d'aqui li vé son nom). Abans Cristòl Colomb produguet una escalpradura de pèira fòrça interessanta, especialament las estatuetas antropomòrfas trobadas a Las Mercedes e lei mòlas adornadas de la peninsula de Nicòya. La ceramica, pla diversa segont lei regions, apareguet gaire abans lo començament de nosta èra (sètis de La Concepción e d'Aguas Buenas).
Cristòl Colomb descobriguet la region durant son quatren e darrier viatge en America, en 1502. Avia una poblacion escampilhada. Foguet explorat e conquistat a partir de 1522.
Tres segles daprès, en 1821, se declaret independent, puèi faguet partida, de 1824 a 1839, de la Federacion de las Províncias Unidas d'America Centrala. En 1849 devenguet una republica. Aquel encaminament vers un regim democratique s'acompanhet d'un espandiment economique gràcia al vam de la cafeïcultura e, mendrament, de la cultura del cacao e de l'elevatge dinc l’encastre de bòrias pichonas. En 1878, lo general Tomàs Guardia acordet una concession a la United Fruit Company per la cultura dei bananas mejançant la construccion de la linha de chamin de fèrre fins Puerto Limón.
Durant li sègles XIX e XX, la vida democratica espeliguet sens entrambi fins 1948. L'eleccion trucada que bailet lo poder a Otilio Ulate foguet seguida d'una corta guèrra civila e de la mesa en plaça d'un govèrn revolucionari provisòri que faguet fòrças refòrmas : abolicion de l'armada, legislacion sociala avançada, nacionalisacion dei bancas, dreit de vòte acordat ei femnas. Considerada coma la « Soïssa de l'America centrala », la Còsta Rica deguet pasmens afrontar la crescuda constanta de la desobrança e un agrevament de la paurièra. Decidit de redreiçar la situacion economica, José Maria Figueres, elegit president en mai de 1994, metet en òbra una politica destinada a favorisar l'implantacion dis investidors estrangiers especialament en bastissent de fabrigas de nalta tecnologia e en desvolopant lo torisme. Marcadas per un taus d'abstencion pro nalt (29 %), las eleccions de febrier de 1998 placèron a la tèsta de l'Estat Miguel Angel Rodriguez, capiòu del partit de l'Unitat sociala-crestiana. En 2002, aquò foguet enquèra un candidat conservator, Abel Pacheco, que li succedet.
