Istòria de la Letònia
Un article de Wikipèdia, l'enciclopèdia liura.
Conegut principalament coma Livònia, l'airal qu'ocupa ara la Letònia èra jos l'influéncia dels Germans d'Espasa alemands a partir del sègle XIII. Çaquelà, dins los sègles XVIII e XIX, la Russia prenguèt lo contraròtle de la Letònia e de las regions vesinas. Amb la Russia devastada per la revolucion e la Primièra guèrra mondiala, la Letònia declarèt son independéncia en novembre de 1918. Aqueste periòde de l'independéncia durèt pauc, quand l'Union Sovietica annexèt lo país lo 17 de junh de 1940 amb lo pacte de Molotov-Ribbentrop del 23 d'agost de 1939. Durant lo periòde sovietic, la Letònia recebèt lo nom de Republica Socialista Sovietica de Letònia.
A l'excepcion d'un brèu periòde d'ocupacion alemanda durant la Segonda Guèrra Mondiala, la Letònia demorèt un territòri sovietic fins que las reformas del comunisme sovietic coma la glasnost estimulèsson lo movement d'independéncia leton, e la Letònia retrobèt son independéncia lo 21 d'agost de 1991. Dempuèi, a renforçat sas relacions amb l'oèst e es venguda un membre tant de l'OTAN coma de l'Union Europenca en 2004.
Lo 20 de septembre del 2003 foguèt aprobada per referendom (69,6 % dels letons, aproximativament 1,4 milions) l'adesion de lor país a l'Union Europenca coma o avián ja fach la Lituània e l'Estònia. L'entrada oficiala aguèt luòc en mai de 2004.
