José Bonifácio de Andrada e Silva
Un article de Wikipèdia, l'enciclopèdia liura.
 |
|
| Profession: | òme politic e naturalista |
|---|---|
| País: | Brasil |
| Data de naissença: | 13 de junh de 1763 |
| Luòc de naissença: | Santos, São Paulo, Brasil |
| Data de decès: | 6 d'abril de 1838 |
| Luòc de decès: | Niterói, Rio de Janeiro, Brasil |
José Bonifácio de Andrada e Silva (n. 1763, m.1838), naturalista, òme politic, poèta e maçon, foguèt una figura importanta de la politica brasiliana al começament del sègle XIX.
Filh d'un òme ric (lo segond mai ric de Rio de Janeiro), a estudiat lo Drech a l'Universitat de Coimbra. A estudiat las òbras de Montesquieu, Rousseau, Voltaire, Locke e Virgili. Aviá un fòrt sentiment d'admiracion per l'independéncia dels Estats Units d'America.
Al Brasil foguèt amic e conselhièr del primièr emperaire del Brasil, Pedro I. Dempuèi l'independéncia, José Bonifácio foguèt nomenat Ministre de l'Interior e dels Afars Estrangièrs. A l'occasion de la convocacion de la primièra Assemblèa Constituanta foguèt eligit deputat. Aprèp la dissolucion de l'Assemblèa pel emperaire, José Bonifácio s'exilhèt en França.
En 1829, l'imperaire Pedro I permetèt son retorn al Brasil. Quand Pedro I demissionèt en 1831, declarèt José Bonifácio tutor de son filh, Pedro de Alcântara, qu'aviá solament 5 ans.
José Bonifácio moriguèt dins la ciutat de Niterói en 1838, a 75 ans. Dins l'istòria del Brasil, es reconegut coma lo Patriarca de la Independéncia, por sa defensa de l'ideal del Brasil independent.
Coma geologista, descobriguèt la petalita, mineral de liti, a la fin del sègle XVIII, en Suèda.
