La Talvera
Un article de Wikipèdia, l'enciclopèdia liura.
La Talvera foguèt creat a la debuta de las annadas 80 per ajudar a pagar las recèrcas etnòmusicòlogicas de qualquas personas que volián sauvar e valorisar la musica tradicionala, lo grop La Talvera demorèt plan temps un grop ont totòm podiá venir jogar, plan estacat al repertòri tradicional. Puèi tre las annadas 90 l'orquèstre se professionalisèt, per préne mai o mens sa fòrma d'ara : Daniel Loddo, autor e compausitor,)) cantaire, crabaire, jogaire de diableton, Céline Ricard al cant, pifre e graile, Fabrice Rougier a las clarigòlas, Serge Cabau o Thierry Rougier a las percussions, Paul Goillot al gimbri e als clavièrs. D'uèi La Talvera, es un grop, de segur de musica occitana, mas tanben "mirgalhat" : ni ragga, ni "world", ni soncament tradicional, mas ambe un repertòri enriquesit pels encontres ambe los musicians del Massilia Sound System, los repentistas improvisators brasilians. Occitana, mas tanben mediteranenca, tradicionala mas contemporanèa, la musica de La Talvera bastís de plancas, d'un continent a l'autre, d'un temps a un autre...
[Modificar] Discografia
- Fa res o re fa; (1993).
- Cançons del silenci;(1996).
- Dançadas; (1996).
- Turlututu; (1997).
- Pampaligossa; (1999).
- Faguem ribota; (2000).
- Poble mon poble; (2003).
- Quincarelet; (2005).
- Cants e musicas del pais de Lodeva; (2006).
[Modificar] Ligams extèrnes
- (fr) (oc) (an) lo sit oficial de La Talvera
 |
Portal de la musica – Accedissètz als articles de Wikipèdia concernent la musica. |
