Los grands periòdes istorics
Un article de Wikipèdia, l'enciclopèdia liura.
Tradicionalament, se devesís l'istòria en quatre periòdes :
- L'Antiquitat comença amb l'invencion de l'escritura e dura, tradicionalament, fins a la fin de l'Empèri roman d'Occident en 476.
- Coma cada civilizacion a pas inventat l'escritura al meteis moment, las civilizacions e las regions del monde son pas dintradas dins l'istòria al meteis moment. Per exemple, Egipte coneissiá l'escritura ja en 3200 ab. J. C., mentre que las inscripcions latinas mai ancianas son de 660 ab. J. C.
- I a de civilizacions qu'inventèron pas jamai l'escritura e dintrèron dens l'istòria en passant sos una dominacion estrangièra ; es lo cas, per exemple, d'una granda part de l'Africa negra.
- L'Edat Mejana comença amb la destruccion de l'Empèri roman d'Occident pels barbars, qu'es acabada en 476, e finís en 1492 amb la descubèrta d'America per Cristòl Colomb. D'unes la fasián fenir en 1453, qu'es l'annada de la presa de Constantinòple pels turcs e de la fin de l'Empèri bizantin o Empèri roman d'orient.
- Los Temps modèrnes començan en 1492 e van fins a 1789, qu'es lo començament de la Revolucion francesa.
- L'Epòca contemporanèa comença en 1789 e continua encara uèi.
Aquela division dels temps istorics correspond a una vision europeocentrista de l'Istòria e es de mai en mai criticada.
