Constantinòple
Un article de Wikipèdia, l'enciclopèdia liura.
Constantinòple (latin: Constantinopolis, grèc modèrne: Κωνσταντινούπολη = Konstantinoupoli, grèc ancian: Κωνσταντινούπολις = Kônstantinoupolis) es lo nom que portèt la vila actuala d'Istambol entre 330 ap. JC e 1453 ap. JC., quand èra una de las capitalas de l'Empèri Roman tardiu puèi la capitala de l'Empèri Bizantin. Abans 330 ap. JC se disiá Bizanci. Los tres noms son de còps mesclats dins l'usatge: aital l'Empèri Roman d'Orient se ditz Empèri Bizantin.
En occitan e dins la màger part de las lengas del Mond, la vila a pres lo nom general d'Istambol en 1453 amb la conquista turca, mas lo nom de Constantinòple contunha de s'utilizar dins l'usatge de la Glèisa Ortodòxa, que ten son sèti internacional dins aquela vila. Ansin se parla del "Patriarca de Constantinòple". (En lenga grèga, per contra, lo nom de Κωνσταντινούπολη = Konstantinoupoli rèsta lo sol que s'emplega per totes los usatges modèrnes.)
