Mont Rushmore
Un article de Wikipèdia, l'enciclopèdia liura.
Lo Mont Rushmore se situa a Keystone, dins l'estat american de Dakota del Sud. Representa las caras, escalpradas dins lo granit, de quatre presidents dels Estats-Units que mai an marcat l'istòria d'aqueste país: George Washington, Thomas Jefferson, Theodore Roosevelt e Abraham Lincoln (de la man esquèrra a la drecha).
[Modificar] Istòria
Aqueste mont pòrta lo nom d'un avocat nòvayorkés qu'èra vengut visitar aquesta region de Dakota del Sud, a ras de Rapid City, dins los Black Hills (los trucs negres). L'escultura que se situa a 1.740 mètres de nautor mesura 18 mètres de naut. Foguèt entamenada en 1927 per Gutzon Borglum escultor que teniá en aquel temps 60 ans, e èra un ancian escolan de Rodin. Pasmens lo 31 d'octobre de 1941 se moriguèt e calguèt que son filh Lincoln Robinson-Borglum contunhèsse l'òbra del paire. La poguèt acabar 14 ans aprèp la debuta del trabalh.
Aquesta idèa d'un mémorial, suggerida en 1923 per Doane Robinson, que vendriá puèi lo director de la Societat istorica de Dakota del Nòrd, foguèt aprovada pel govèrn federal e l'Estat en 1925 amb la tòca d'atirar de toristas dins una region en dificultat per tal de potenciar l'economia dels Blacks Hills.
Aqueste memorial es gerit pel servici dels parcs nacionals dels Estats Units.
Aqueste monument tras qu'espectacular, serviguèt d'encastre a de films nombroses films, publicitats e representacions de tota mena. Al cinèma, son utilizacion mai famosa n'es la sequéncia finala de North by Northwest d'Alfred Hitchcock en 1959, amb Cary Grant, James Mason e Eva Marie Saint.
[Modificar] Influéncias
- Dins lo manga/anime Naruto, lo vilatge de Konoha ten de caras gigants escalprats dins una montanha que representan los ancians Hokage, coma sul mont Rushmore.
- Dins l'adaptacion en film live de Richie Rich, la famille Rich fait tailler au laser une espèce de mont Rushmore avec les visages del paire, de la maire e del filh. La sequéncia de l'accion finala se debana aquí.
