Nòrd-italian
Un article de Wikipèdia, l'enciclopèdia liura.
- Pels articles omonims, vejatz cisalpenc (omonimia).
Lo nòrd-italian o italian septentrionau (reg. -al) o padan (nom recent), o cisaupenc/cisalpenc (nom rar) es una branca dei lengas romanicas parlada globalament au nòrd d'Itàlia e dins de regions vesinas (Tecin en Soïssa, Ístria en Croàcia e Eslovènia, Mónegue, Sant Marin). Lo nòrd-italian recep de definicions contradictòrias:
- Es un grop de dialèctes de la lenga italiana, segon la lingüistica romanica tradicionala.
- Es una lenga romanica, distinta de l'italian, segon certanei lingüistas (minoritaris), en particular segon Geoffrey Hull.
- Existisson de revendicacions localas que dison que cada dialècte dau nòrd-italian seriá una lenga distinta. Aquesta opinion es gaire admesa demieg lei lingüistas, levat de còps per lo piemontés pr'amor de son dinamisme particular.
Lo domeni lingüistic nòrd-italian correspònd a la gròssa a l'Itàlia dau Nòrd o a Padània.
Lo limit sud, entre lo nòrd-italian e l'italian au sens estrech, se sòna la linha La Spezia-Rimini o pus exactament la linha Massa-Senigallia.
Somari |
[Modificar] Classificacion
Lei dialèctes dau nòrd-italian se classifican ansin:
- Grop galloitalic (una error frequenta es de confondre lo galloitalic amb tot lo nòrd-italian)
- Grop venèt
- venèt
- istriòta (de classificacion dificila e controversiada)
[Modificar] Referéncias
- Hull, Dr Geoffrey (1989) Polyglot Italy:Languages, Dialects, Peoples, CIS Educational, Melbourne
- Hull, Dr Geoffrey (1982) The linguistic unity of Northern Italy and Rhaetia, tèsi, university of Sidney west.
