Pomerania
Un article de Wikipèdia, l'enciclopèdia liura.
[Modificar] Generalitat
(en polonés Pomorze, en alemand Pommern). Region tradicionala de la Polonha e de l’Alemanha . Sei vilas principalas son Szczecin, Koszalin, Słupsk. Li sòus paures de sei còlas moranicas son boscats o cultivats (sigau, trufas; elevatge boïn e porcin). Sobre la còsta i a de pòrts de pesca (Kołobrzeg, Łeba). I
[Modificar] Istòria
Lo nom de Pomerania es la fòrma latinisada d’un mot esclavon que significa «lo país long de la mar». Designava inicialament tota la còsta èst de la mar Baltica.
La region èra abitada despuèi li segles V e VI per d’Esclavons pagans. La Pomerania orientala o vistuliana visquet larjament l’influença de la Polonha vesina; la Pomerania occidentala, guela, passet al segle XII sota la dominacion del margrave de Brandeborg e se germaniset. En seguida, la Pomerania vistuliana, sonada tamben Pomerelia, pertanhet a la Polonha puèi al Brandeborg. Annexada finalament per la Prússia en 1772, formet la província de Prússia occidentala fins 1019. Lo tractat de Versalhas ne’n donet la màger part a la Polonha, mentre que Dantzig devenia vila libra. La Pomerania occidentala, o Pomerania pròpriament dita, obtenguet en 1529 l’immediatetat d’Empèri. Pasmens perdet son independéncia al sègle XVII, que li tractats de Westfàlia l’atribuiguèron a la Suècia, que deguet l’abandonar en 1815 a la Prússia.
Despuèi 1944, la partida de la Pomerania situada a l’èst de l’Òder se tròba integrada a la Polonha ; la partida demorada alemanda es estada restacada al Mecklemborg.
[Modificar] Celebritats
Lo grand pintor romantique Caspar David Friedrich nasquet a Greifswald en Pomerania en 1774. La vila a d’uèi 67 965 abitadors. Es un pòrt de pesca, mas a tamben d’industria metallurgica, textila e agroalimentària. A tamben una centrala atomica e una universitat.
