Adrien-Marie Legendre

Test an lenga piemontèisa

Adrien-Marie Legendre

Adrien-Marie Legendre a l'era un matemàtich.
Nassù a Paris ël 18 ëd stèmber dël 1752, mòrt a Auteuil (Fransa) ël 10 ëd genè dël 1833.

A studia al colegi Masarin. Dal 1775 al 1780 a mostra a la Scòla militar. Dël 1782 na soa memòria a vagna ël premi dl'académia ëd Berlin. Dal 1795 a mostra a l'École normale.
Sò prim travaj an mecànica a lo men-o a dimostré d'arzultà matemàtich amportant. Ant un lìber an sla trajetòria dle comete a men-a ël prim ëstudi rigoros ans ël métod dij mìnim quadrà. Ant ël 1786 a arpija ël travaj d'Euler, Lagrange e Landen ans le fonsion elìtiche.
An sò Éléments de géométrie a arpija j'Element d'Uclid, an rangiand mej l'euvra e an semplificand na bon-a part ëd proposission. Ës lìber a l'é 'n sucess. An cost'euvra a dimostra tra l'àotr che π² a l'é 'n nùmer irassional, an dasend dl'irassionalità ëd π na dimostrassion pì sempia ëd cola ëd Lambert; a congetura che π a sìa trassendent.
Fondamentaj a son sò travaj ant la teorìa dij nùmer; a scriv Essai sur la théorie des nombres, prima euvra dedicà tut antegra a's sogèt. Ant ël 1830 a dimostra la lai ëd ressiprossità quadràtica.
Legendre a travaja ëdcò an geodesìa e an particolar a la triangolassion dla Fransa.

[modìfica] A pòrto sò nòm

• Sìmbol ëd Legendre;
• Equassion diferensial ëd Legendre, dont le solussion as ciamo fonsion ëd Legendre;
• Polinòmi ëd Legendre.

[modìfica] Euvre prinsipaj

• Éléments de géométrie (1794);
• Essai sur la théorie des nombres (1797-1798);
• Exercices de calcul intégral (1811-1819);
• Traité des fonctions elliptiques et des intégrales eulériennes (1825-1827);
• Théorie des nombres (1830).

E be'? :) È facile imparare a leggere una lingua che si parla già. Consulti

St'utent-sì a l'é un bogianen

¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)

'cò ti it peule travajé a fé pì granda e bela la wikipedia piemontèisa. Tùit a peulo gionté dj'anformassion, deurbe dij neuv argoment, deje na man aj volontari che a travajo ambelessì 'ndrinta. Rintra ant la Piòla e les coma avnì a fé toa part. I soma na gran famija e i l'oma da manca dël travaj ëd tùit.

a lese e a scrive mej an piemontèis, e che an fan d'arferiment a tùit për la coression ortogràfica dij test ant sle pàgine marcà koiné piemontèisa.

E che a manca pa dë vardesse la pàgina d'agiut për chi as anandia da zero.