Hugo Steinhaus
Da Wikipedia.
Wladyslaw Hugo Dionizy Steinhaus - nassù a Jasło (Polònia), ij 4 ëd gené dël 1887, mòrt a Breslavia (Polònia), ij 25 ëd fërvé dël 1972 - a l'é stàit un dj'animator dl'ansidita scòla matemàtica ëd Lwov. Steinhaus a l'avìa studià matemàtica a l'Università ëd Lwov e ëd Göttingen, anté che dël 1919 a l'avìa pijà ël dotorà d'arserca con la tesi Neue Anwendungen des Dirichlet'schen Prinzips (Neuve aplicassion dël prinsipi ëd Dirichlet). Dël 1917 a l'avìa otnù a Lwov l'autorisassion a l'ansegnament e dël 1918 a l'avìa publicà l'amportant artìcol Additive und stetige Funktionaloperationen. Dël 1920 a l'é dventà professor a l'Università ëd Lwov. Ansem a Stefan Banach, Stanislaw Marcin Ulam e d'àutri, a l'é ocupasse d'anàlisi fonsional. Dël 1945 a l'ha tramudà a Breslavia, anté ch'a l'era dventà professor ëd matemàtica a l'università local. Dël 1952 a l'é dventà mèmber dl'Academia Polonèisa dle Siense (Polska Akademia Nauk). Steinhaus a l'ha publicà an tut apopré 250 travaj, dont ëdcò ëd liber ëd sucess an sla matemàtica tanme Kalejdoskop matematyczny (1938). An tra ij sò student as conto përsonage tanme Stefan Banach, Mark Kac e Zygmunt William Birnbaum. |
 E be'? :) È facile imparare a leggere una lingua che si parla già. Consulti questa pagina e vedrà, in un attimo anche Lei avrà il suo badge da bogianen :)
SE LEER! ¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)
 a lese e a scrive mej an piemontèis, e che an fan d'arferiment a tùit për la coression ortogràfica dij test ant sle pàgine marcà koiné piemontèisa.  E che a manca pa dë vardesse la pàgina d'agiut për chi as anandia da zero. |
