Ismâ`îl al-Mansûr bi-Nasr Allah
Di Wikipedia, l'enciclopedìa lìbbira.
Ismâ`îl al-Mansûr (lingua àrabba: المنصور إسماعيل al-mansur isma`il) nascìu ntô 915. Succidìu a lu sò patri al-Qâ'im bi-Amr Allah comu califfu fatimita ntô 946. Murìu ntô 953.
[cancia] Storia
Lu putiri fatimita s'attruvava nta na situazzioni assai pricaria a la morti di al-Qâ'im. La ribbillioni khargita guidata da Abû Yazid s'avìa firmata sutta li mura di al-Mahdiya ntô 945. Quarchi jornu poi d'aviri pigghiatu lu putiri, al-Mansûr cummatti nta Kairouan na battagghia dicisiva, ca abbinni sutta li mura dâ cità lu 15 di austu dû 946. È poi di sta vittoria ca lu califfu pigghia lu nomu di al-Mansûr (àrabbu: منصور mansūr, vincituri).
Al-Mansûr ristabbilisci l'òrdini ntô regnu e custruisci la porta di Al-Mansuriya (947) (Tunisia). Iddu fa di Kairouan la capitali. L'emiri di Còrduva avìanu prufittatu dâ rivota di Abû Yazid p'annettirisi tutta la banna ovest dû Maghreb nzinu à Algeri. Li Bizzantini pruvanu à annettirisi la Sicilia, ma lu cuvirnaturi fatimita arriniscìu à rispincìrilli e puru a mèttiri pedi ntâ Calabbria unni fici custruiri na muschea.
