Lingua croata

Di Wikipedia, l'enciclopedìa lìbbira.

Lu croatu (ntô croatu: "Hrvatski" o "Hrvatski jezik" pi "lingua croata") è na lingua dû suttagruppu slavu miridiunali dû ramu slavu dî lingui indoeuropei.

E' parrata di circa 5 o 6 miliuna di pirsuni comu lingua matri. Ntâ Croazzia, unni è lingua ufficiali, n occasiuni dû rifirendum dû 2001 4.265.081 pirsuni (lu 96,12% di l'abbitanti) dichiararu di parrari lu croatu comu lingua matri.

La lingua standard croata si basa supra lu dialettu štokavo cu nflussi kajkavi e čakavi e utilizza l'alfabbetu latinu.

Funnamintalmenti è uguali ô serbu e ô busnìacu ntâ lingua standard, siccomu tutti tri si svilupparu suprâ basi Neoštokava. Nta l'ex-Juguslavia foru tutti tri raggruppati ntâ lingua serbo-croata. Ntâ Croazzia chista dinuminazzioni fu usata raramenti. Siddu a l'èbbica dâ Juguslavia s'appi a cunsidirari la vicinanza cû serbu pi difiniri lu croatu, rigularmenti l'esprissiuni onnivalenti e prisenti nzinu ô 1974 ntâ custituzzioni croata utilizzata fu "lingua croata o serba". La dinuminazzioni "serbocroatu" ("srpskohrvatski") appi già di tempu na cunnutazzioni nigativa ntâ Croazzia.

Dâ ndipinnenza pulìtica dâ Croazzia la lingua standard croata vinni ampiamenti arricanusciuta macari a l'èstiru.

La scienza ca si òccupa dâ lingua croata è la cruatìstica.

[cancia] Alfabbetu e prununcia

La lingua si scrivi cu l'alfabbetu latinu cu l'aggiunta di segni diacritici particulari.

L'alfabbeto croatu havi 34 littri:

a, b, c, č, ć, d, dž, đ, e, f, g, h, i, j, k, l, lj, m, n,, nj, o, p, q, r, s, š, t, u, v, w, x, y, z, ž.

Li littri q, w, x, y cumpàiunu sulu ntê palori furasteri. Li digrammi dž, lj e nj s'hannu a cunsidirari comu littri sìnguli ntô sô rispittivu òrdini alfabbèticu. Esisti sulu un nùmmaru assai vàsciu di palori ntê quari chisti gruppi carattirìzzanu dui soni diversi e s'hannu quinni a èssiri trattati comu dui littri diversi.

Li segni spiciali ponnu èssiri cumpilati chî siquenti caràttiri (Attinzioni: lu Đ è diversu dû Ð islandisi):

Č: Č č: č Ć: Ć ć: ć Đ: Đ đ: đ Š: Š š: š Ž: Ž ž: ž

La maggior parti dî littri si prunùncianu tali e quari comu ntô sicilianu.

littra	Discrizzioni
a	comu la a siciliana
b	sempri sunora
c	sempri /ts/, comu la z siciliana di "pozzu"
č	comu la c siciliana n "ce" e "ci", ma cchiù duru
ć	sìmili a tch o tj ntô tudiscu Brötchen o a tja; spissu diffìcili a distìnguiri di č; ć si prununcia comu ntâ palora "citati", (ć è dèbbuli di č)
d	sempri sunora
dž	comu đ, ma cchiù duru
đ	dj assai dèbbuli; spissu diffìcili a distìnguiri di dž, (comu "g" n "giungla", "giàcumu", "già")
e	sempri raputa
f	comu la f siciliana
g	sempri sunora
h	gutturali comu la "ch" di "ach" ntô tudiscu, fricativa cchiuttostu dèbbuli
i	comu la i siciliana
j	prununciata spissu comu la i nun accintata
k	comu la "k" siciliana
l	cchiù sussurrata e cchiù velari ca ntô sicilianu; la l siciliana vini spissu ntraintesa comu lj.
lj	sincupati nt'un sulu sonu: apprussimanti palatali latirali sunora, (comu "gl" n "gli" ntâ lingua taliana)
m	comu la m siciliana
n	comu la n siciliana
nj	sincupata nt'un sulu sono: nasali palatali sunora (comu "gn" n "gnomu")
o	(n cunfrontu cû tudiscu) sempri raputa
p	menu aspirata ca ntô tudiscu
r	r arrutulata. Pò èssiri difinuta macari comu sìllaba (vucalica) e èssiri quinni longa o curta, accintata o nun accintata. Asempiu: Krk
s	sempri sorda comu la ß tudisca
š	sìmili a "sc" siciliana di "sciarpa", ma cchiù duru
t	comu ntô sicilianu
u	come ntô sicilianu
v	come ntô sicilianu
z	s sunora, comu ntâ palora taliana "casa"
ž	sonu "sc" sunora, comu "j" ntâ palora francisi "Jacques"