Littiratura Siciliana
Di Wikipedia, l'enciclopedìa lìbbira.
La littiratura siciliana havi na cumpunenti pupulari mpurtanti, raffurzata dû fattu ca pi sèculi e ancora oggi li ducumenti in lingua siciliana scritta nun custituìscinu la sula parti di la pruduzzioni littiraria siciliana, ssennu mpurtanti puru chidda urali.
Ìndici |
[cancia] Littiratura siciliana pupulari
Unu dî personaggi di la littiratura pupulari cchiù canusciuti è Giufà. Lu scritturi e studiusu di la lingua siciliana Giuseppi Pitré ntô libbru Racconti popolari sicilani parra di cunta chi tràttunu di Giufà chi si tramannàvunu oralmenti di ginirazzioni in ginirazzioni, e ancora oggi li cunta di Giufà sunnu assai pupulari.
[cancia] Littiratura siciliana culta
La littiratura siciliana culta cuminzau ntô sèculu XIII à l'l'èbbica nurmanna sutta Fidiricu II, chi fu iddu stissu littiratu e animaturi di la Scola Siciliana. Doppu Danti, l'italianu divintau la lingua culta ufficiali dî littirati siciliani e Pueti Siciliani, chi però truvàvunu ispirazzioni nni la cultura pupulari siciliana tantu ca quasi tutti lassaru quacchi òpira in sicilianu.
[cancia] Tiatru sicilianu
Lu Tiatru sicilianu havi na mpurtanza granni nni la littiratura siciliana. Pirandellu marcau la storia dû tiatru dû vintèsimu sèculu ccu storî pigghiati di ambientazzioni siciliana, ma chi sunnu universalmenti rapprisintati attraversu tuttu lu munnu.
[cancia] Puisia
La puisìa è l'arti di trasmèttiri lu propiu missaggiu, usannu paroli, li soi soni e lu ritmu dî frasi: pi chissu, la puisìa havi pi si stissu arcuni qualità dâ mùsica, e rinesci a trasmèttiri sintimenti e stati d'arma megghiu di comu rinesci a fari la prosa. La puisìa nun havi un significatu comu un pezzu di prosa, o pi dìrilu megghiu, lu significatu è sulu na parti dâ cumunicazzioni chi si vidi quannu si leggi o si ntenni nnû puema: l'autra parti nun sunnu virbali ma emutivi.
A sti dui aspetti dâ puisìa si nni junci un terzu quannu un puema, mmeci chi veni liggiutu drittamenti, veni ntisau: cû sò linguaggio dû corpu e lu modu di lèggiri, lu litturi ntèrprita lu testu, dànnucci (nivitabilmenti) na nova diminsioni chi è cchiù tiatrica.
Esistennu significatu e sonu renni assai difficili tradùciri la puisìa nta autri lingui, picchi lu sonu e lu ritmu origginali addivèntanu persi e hannu a èssiri sustituiti dûn adattamentu nnâ nova lingua, chi nnâ maggiuranza di casi è sulu n'apprussimazzioni.
[cancia] Puisìa antica e muderna
La puisìa nascìu prima di la scrittura: anzi li primi formi di puisìa fôru sulu orali o, comu l'antichissimu cantu a batoccu di li cuntadini e li cunti di li cantastori (Omero fu unu d'iddi, senza dubbiu lu cchiù famusu). Ntê tirritori anglusassuni sta discinnenza orali di la puisìa fu veru forti (e ancora è ), e nta li puisii in lingua ngrisi sunnu assai mpurtanti l'allittirazzioni, l'onomatopea e l'assunanzi anchi fora li rimi, chi poi sunnu rispittati sulu fonologicamenti e cu eccezzioni friquenti.
Nta l'età rumana la puisìa era quantitativa, si basava vol diri supra l'altirnanza tra sìllabbi longhi e sìllabbi curti: lu metru cchiù diffuso - spiciarmenti picchì metru di l'èpuca - era l'ESAMiTRu. La puisìa avìa a èssiri liggiuta o ricitata scannènnula riurusamenti a tempu, anchi si certi studi ricenti linguìstici parissi c'avìssiru mustratu la natura milòdica di la lingua latina, ca la facìssiru assumigghiari cchiù quasi a li lingui orientali ca a l'attuali lingui niolatini.
Appressu, doppu l'annu milli, si svilupparu furmi novi di puisìa e metrichi novi nta l'Italia, la puisìa, nto piriudu dâ Scola Siciliana, e cchiù doppu, Danti Aligheri e di lu Dolci Stil novu, s'affirmò comu menzu di ntrattinimentu littirariu e privalentimenti pigghiò na furma scritta: chistu purtò li pueti taliani a fari òperi cchiù strittamenti adirenti a li liggi grammaticali e stilìstici di ddu gèniri, e a fari cchiù attinzioni a li qualità visivi di la parola scritta, comu la rima e l'altirnarsi di li versi.
[cancia] Puisìa siciliana
La puisìa siciliana appi lu sò sviluppu màssimu ntê versi di mpurtanti artisti. Tra d'iddi: Bartolomeo Asmundo, Girolamo D'Avila, Antonio Veneziano, Simone Rau, Giovanni Meli, Domenico Tempio, Luiggi Capuana, Ninu Martoglio, Vincenzo De Simone, Alfredo Danese, Giovanni Formisano (e un pocu di lu tempu nostru: Ignazio Buttitta, Salvatore Quasimodo, Salvatore Camilleri, Maria Sciavarrello, Ignazio Maiorana e Antonino Magrì.
Nun fôru tutti a nzignarisi ntê megghiu scoli di pinzeru, tanti nfatti vinianu dâ misiria, èranu genti sìmplici e pòvira ma chini di sbriu dintra l'arma. Chistu dimostra comu spissi voti la cultura cchiù granni non è àutru ca lu prudottu dâ civiltà dû viviri e di l'amari dâ pòvira genti.
E quannu scumpareru sti artisti ginuini arristò sulu un vacanti o, siddu vulemu, un filiddu, un ricordu di l'orìggini antica, pi cui tanti oggi lòttanu uffrennu a la nova cultura òpiri cu un senzu d'anticu visitatu di novu, p'addifènniri tanta miravigghiusa arridità.
[cancia] Littiratura siciliana antica
Pizzudda di testi 'n Lingua siciliana antica
