Salvatore Cuffaro

Di Wikipedia, l'enciclopedìa lìbbira.

Salvatore ("Totò") Cuffaro (Rafadali, Girgenti, 21 di frivaru dû 1958) eni nu pulìticu sicilianu.

Ntê scoli medî e supiriuri studiau nni li Salesiani dû culleggiu "Don Bosco Sampolo" di Palermu. Nni l'anni '80 si laureau in midicina e chirurgia, e fici parti dû Cunsigliu di Facoltà e dû Cunsigliu di Amministrazzioni di l'Università di Palermu comu rapprisintanti di li studenti. Dopu ca si pigliau la specializzazioni in radioluggìa, participau a la criazzioni di lu "Centru Sicilianu Don Luigi Sturzo".

Quann'era studenti avìa adirutu â Dimucrazzìa Cristiana, di cui fu delegatu riggiunali dû muvimentu di li picciotti e dirigenti organizzativu pi la Sicilia. Nni lu 1980 fu eliggiutu cunzigghieri cumunali di Raffadali, unni era capugruppu di la DC. Dopu cuntinuò la so attività pulìtica 'n Palermu, n'àutra vota eliggiutu cunsiglieri cumunali dû capulocu.

Nni lu 1991, cu na bona affirmazzioni pirsunali (79.970 voti di prifirenza supra 287.166 di lista (27,85%) nnû culleggiu di Palermu), addivintau diputatu nni l'XI liggislatura di l'Assimbrea Riggiunali Siciliana. Nni sta liggislatura fu componenti di la Cummissioni attività pruduttivi e vici prisidenti di la Cummissioni riggiunali antimafia.

Vinni eliggiutu arreri nni lu 1996 diputatu di l'Assimbrea Riggiunali Siciliana (XII liggislatura) (15.988 voti di prifirenza supra 61.367 (26,05%) nnû culleggiu di Palermo), nni la lista di li Cristiani Dimucratici Uniti, lu partitu guidato di Rocco Buttiglione, natu dopu la scissioni di lu Partitu Pupulari Talianu, partitu ca a so vota ripigghiau l'eredità di la Dimucrazzìa Cristiana. Nni sta liggislatura fù assissuri a l'agricultura e furesti nni li cuverni riggiunali a partiri di lu 50° finu a lu 54°.

Lu 17 di giugnettu dû 2001, comu candidatu prisidenti di la cualizzioni di centru-dritta, nni la prima elizzioni diretta dû prisidenti dû cuvernu riggiunali, fù eliggiutu cu lu 59% di li voti, battennnu l'àutri du' candidati accumunati dâ cumuni pruvinenza dimucristiana: Lioluca Urlannu (37%) e Sergii D'Antoni (4%), rapprisintanti rispittivamenti di lu schieramentu di centru-manca e di Dimucrazzìa Eurupea.

Attuarmenti cummogghia macari la càrrica di Cummissariu Straurdinariu pi l'emirgenza ìdrica e Cummissariu Diligatu pi l'emirgenza rifiuti, occupànnusi di la riurganizzazioni di lu sistema di l'acqui e di la priparazzioni di lu pianu enirgèticu riggiunali.

Nni l'U.E. è Prisidenti di lu Cumitatu di li Riggiuni Isulani di lu Mediterraneu (IMEDOC) e di lu CPRM (Cumitatu di li Riggiuni Perifèrichi e Marìttimi). Comu Prisidenti di lu CPRM fici lu tutoraggiu pi l'ammissioni di Cipru nni l'U.E. e spinci pi na nova pulìtica di "vicinatu" pi favuriri lu sviluppu nzèmmula a l'àutri riggiuna frontaleri di lu Meditirraneu.

Cu lu CDU participau a la funnazzioni di l'UDC (Unioni dê Dimucratici Cristiani e Dimucratici di Centru), ca juncìu a liveddu nazziunali li partiti ca si richiàmanu a la Stòria di la Dimucrazzìa Cristiana (CCD, CDU e DE).

Eliggiutu nni l'Elizzioni europei di lu 2004 comu capulista di l'UDC nni la circuscrizzioni di l'ìsuli cu 162.017 voti, rinunciau a lu seggiu a favuri di lu primu ca nun acchianau.

Nni lu 2005, comu cuvirnaturi di la Riggiuni Siciliana, prisintau na liggi riggiunali ca misi lu quorum di lu 5% pi li partiti ca vonnu aviri na rapprisintanza riggiunali e l'altirnanza obbligatoria màsculu-fìmmina ni lu listinu di lu quali venunu eliggiuti li diputati di la cualizzioni ca vinci lu premiu di maggiuranza. La liggi ricivìu l'appoiu di lu 52% di li siciliani in occasioni di lu referendum cunfirmativu.

Nni lu stissu annu fu puru numinatu vici-sicritariu nazziunali di l'UDC, quannu Lorenzo Cesa pigliau lu postu di Marco Follini comu sicritariu nazziunali.

Candidatu ni l'elezzioni pulìtichi di lu 2006, fu eliggiutu sinaturi di la XV Liggislatura comu capulista di l'UDC nni la circuscrizzioni Sicilia.

Candidatu arre' di lu scheramentu di centrudritta a Palazzu D'Orleans, lu 28 di maiu dû 2006 fu eliggiutu arreri Prisidenti di la Riggiuni Siciliana cu lu 52,1% di li voti, contra lu 41,6% di lu candidatu di lu centrumanca, Rita Borsellinu, e lu 5,3% di chiddu di Allianza Siciliana, Nellu Musumeci.

[cancia] Liami esterni

• Situ pirsunali
• Schedi dil'attività nta l'Assimbrea Riggiunali Siciliana: XI, XII, XIII
• Organigramma dill'UDC
• Scheda personali a u Senatu