Tabbaccu
Di Wikipedia, l'enciclopedìa lìbbira.
Lu tabbaccu o tabaccu (Nicotiana tabacum) è na chianta urigginaria dû Nord e Sud Mèrica li cui fogghi vennu siccati pi prudùciri sicarri, sicarretti e tabbaccu.
Tra li cumpunenti dû tabbaccu, mpurtanti è la nicutina (vidi), n'alcalòidi e na putenti neurotussina ca veni assurbuta di l'urganismu duranti lu cunzumu dû tabbaccu prucurannu effetti piacèvuli e stimulanti ma ntô cuntempu ginirannu assuifazzioni e dipinnenza.
[cancia] Usi dû tabbaccu
Lu tabbaccu veni assuntu principarmenti fumànnulu sutta forma di sicarru, sicarretta o abbruciatu 'n pipi. Àutri formi di cunzumu sunnu la masticazzioni o l'aspirazzioni di pruvulazzu di tabbaccu (tabbaccu di ciutu). Tutti li tipi d'assunzioni sunnu dammaggiusi pâ saluti.
[cancia] Piriculusitati dû tabbaccu
Fumari tabbaccu o èssiri esposti ô fumu d'àutri (fumu passivu) è particularmenti nucivu pâ saluti. Ntô fumu dû tabbaccu sunnu cuntinuti oltri 3 000 cumposti tra cui tanti cancirìggini rispunzàbbili di:
- tumuri ê purmuna e cchiù 'n ginirali ô sistema rispiratoriu nclusi vucca, lingua e gola.
- nfartu dû miucardiu e àutri malatìi cardìachi
- enfisema
- malfurmazzioni niunatali 'n fìmmini preni
- mputenza
Dosi di nicutina supiriuri a 300 mg cunnùcinu a gravi ntussicazzioni epàtichi e ô shock anafilàtticu, ntô casu 'n cui lu corpu non pruvvedi a eliminari l'eccessu tràmiti na maiuri urinazzioni o riggettu.
Fumari vicinu a na fìmmina prena pò causari dammaggî ô fetu.
