Talk:Vucali ncerti (penùrtima sìllabba)
Di Wikipedia, l'enciclopedìa lìbbira.
Sta vuci è n'idìa bona, ma nn'avemu na cunchiusioni pi quantu riguarda la nostra prifirenza? O stamu dicennu ca tutti quanti sunnu accittàbbili? Armenu putemu fari cchiù chiara la rèula a rispettu dî cuniugazzioni dî verbi pâ terza pirsuna plurali; p'asempiu: parrari -> pàrranu; taliari -> talìanu; diri -> dìcinu; finiri -> finìscinu; partiri -> pàrtinu ecc. ρ¡ρρµ δ→θ∑ - (waarom? jus'b'coz!) 22:43, 18 May 2006 (UTC)
Sugnu daccordu cu Pippu: putìssimu mèttiri la rèula pî verbi. --Giusi 00:30, 20 May 2006 (UTC)
Ju macari sù d'accordiu cu Pippu. Nun ci avìa pinzatu prima, ma ora ora ca nni parramu, m'addugnu ca di lu nizziu ca scrivu artìculi l'usu sta rèula (tutti li verbi 'n "-ari" -> "-anu", mentri ca tutti li verbi 'n "-iri" -> "inu", comu 'n spagnolu). Ccà sutta v'haiu mittutu quarchi parauni ntra latinu, sicilianu, spagnolu, talianu:
amare (latinu): amo, amas, amat, amamus, amatis, amant
amari (sicilianu): amu, ami, ama, amamu, amati, àmanu
amar (spagnolu): amo, amas, ama, amamos, amáis, aman
amare (talianu): amo, ami, ama, amiamo, amate, amano
mittere (latinu): mitto, mittis, mittit, mittimus, mittitis, mittunt
mèttiri/mittìri (sicilianu): mettu, metti, metti, mittemu, mittiti, mèttinu
meter (spagnolu): meto, metes, mete, metemos, metéis, meten
mettere (talianu): metto, metti, mette, mettiamo, mettete, mettono
sentire (latinu): sentio, sentis, sentit, sentimus, sentitis, sentiunt
sèntiri/sintìri (sicilianu): sentu, senti, senti, sintemu, sintiti, sèntinu
sentir (spagnolu): siento, sientes, siente, sentimos, sentís, sienten
sentire (talianu): sento, senti, sente, sentiamo, sentite, sentono
Ciau a tutti. Nn'haiu nu prubbrema: Quarcunu lu sapi unni si putissi mèttiri "Lisciànnuru / Lisciànnaru / Lisciànniru" (tal. Alessàndro)? Grazzî. Salutamu! Turiddhu miii...
