Talk:Northren Ireland
Frae Wikipedia
Norlin can only be a furm o nor'land (Eng. northland). A canna see in bein the adjective suffix -lin. Gin it is a furm o nor'land streenge that land shoud be spelt twa weys in the ae teetle Norlin Airlann.
Airlann comes up in the SND as Airland the ae quote bein fae Selkirk. A jalouse in some airts the ineetial vouel in whit for ordinar wad be written Ireland micht be /e:/ or /ɛ/ tho Gregg's transcreeption o Antrim Scots speakers gies ['əirlən] that leuks awfu lik the raiglar Scots pronunciation o Ireland.
Nor'land in sicna context is plain wrang. Airlann is mince whaur Ireland wad dae fine. A'm fell siccar the Scots wad be Northern Ireland but wi metathesis ye micht coud hae Northren Ireland.
A canna richt see whit why some fowk juist canna uise the Scots that fowk speaks an haes tae cleck a new leid that naebody speaks.
Jimmy 11:14, 16 Augist 2005 (UTC)
- It's an orra construction aa richt but sadly its uiss haes been sanctified bi the politeicians. Sae e'en atho ye're richt on aa coonts, we canna ignore it aa the gither. -- Derek Ross 14:56, 16 Augist 2005 (UTC)
Ye're richt aboot it bein sanctifee'd bi politeecians. Aw the same we needna gie the airticle thon name but pynt oot in the airticle that Norlin Airlann wis cleckit bit ower enthusiatic fowk that didna ken whit thay wis daein. Jimmy 15:22, 16 Augist 2005 (UTC)
- in an NPOV kin o wey o coorse ;-) Mendor 16:32, 16 Augist 2005 (UTC)
Ay richt! Onyroad A thocht A'd sling this in an aw, afore the dafties that thinks Ulster Scots is a language ither nor Scots comes breengin ben. The UK haes setten furth it seicont report anent the European Chairter [1] The 'Foreword' expounds hou responsibeelity for langage maiters is devolved. Interestin that it says thare's nae statutor defineetion o an offecial leid in NI. In the 'Preliminary Section' unner pynt 2 Scots is cryed Scottish-English unner the heidin Scots Gaelic. Ulster Scots is defined in legislation as the variety o Scots that's spak in Pairts o NI an Donegal.
Jimmy 12:02, 17 Augist 2005 (UTC)
- Scots Tung Wittins haed a guid heidline anent that hail bourach, A thocht, cutty an tae the pynt: "Executive Maks a Richt Erse o Itsel".
- A wis juist aboot tae offer tae flit this but somebodie got thare afore us while A wis screivin this message, heh. Mendor 17:42, 17 Augist 2005 (UTC)
