Liquid Tension Experiment (album)

Mbështjellësi i albumit

Liquid Tension Experiment u lëshua më 10 mars 1998 nga bendi Liquid Tension Experiment nëpërmes Magna Carta Records. Grupi është i formuar nga John Petrucci (kitarë), Mike Portnoy (bateri), Tony Levin (bas kitarë dhe chapman stick), dhe Jordan Rudess (tastierë).

Albumi i takon zhanreve instrumental rock, progressive metal dhe jazz fusion.

[redaktoni] Këngët

"State of Grace" gjithashtu paraqitet në An Evening with John Petrucci and Jordan Rudess.
"Paradigm Shift" dhe "Universal Mind" janë të dyja të përfshira në këngën "Instrumedley" nga Live at Budokan.
"Paradigm Shift" e fillon CD-në me një eksplodim të notave në tempo tepër të shpejtë duke treguar kështu aftësitë teknike të bendit. Tempo më vonë shkon duke u ngadalësuar.
"Thre Minute Warning" është referim për periudhën e inçizimit ku Tony Levin dëshironte të improvizonte duke u kundërshtuar kështu nga John Petrucci dhe Mike Portnoy të cilët dëshironin që t'i shkruanin këngët me kujdes. Levin përfundimisht iu tha atyre që nëse nuk ia fillonin të improvizonin për 3 minuta, ai do të shkonte në shtëpi. Kënga "Three Minute Warning" është ajo çka pasoi. Inçizimi papritur shkoi aq rrjedhshëm sa që ata e kaluan limitin e shiritit inçizues për 27 minuta, mirëpo fatmirësisht, paisja digjitale e Mike Portnoy-t arriti që ta inçizonte atë. Në pjesën e pasme të mbështjellësit të CD-së shkruan: "KUJDES: "Three Minute Warning" nuk është për ata që janë muzikalisht të ndijshëm, të padurueshëm, apo kritikë ekstrem vetë-kënaqës. Nëse ju i takoni njërës nga këto kategori, ju lutem shtypeni butonin "stop" të CD-player-it tuaj pas këngës # 8."
Një pjesë e këngës "Universal Mind" përfshihet në solo-n me tastierë të Jordan Rudess në koncertin e Dream Theater Live Scenes from New York.