Rrethi i Tropojës

Nga Wikipedia, Enciklopedia e Lirë

Rrethi i Tropojës është njëri nga 36-të rrethet e Shqipërisë. Rrethi i Tropojës ka 28,851 banorë (sipas 2004), një sipërfaqe prej 1,043 km² dhe kryeqendër qytetin Bajram Curri.

Tabela e përmbajtjeve

1 Rregullimi Administrativ
2 Demografia
3 Historia
4 Kultura
5 Ekonomia
6 Vendbanime
7 Personalitete
8 Shih edhe
9 Lidhje të jashtme

[redaktoni] Rregullimi Administrativ

Rrethi i Tropojës ndahet në një bashki atë të Bajram Currit qe është qendër e rrethit; dhe shtatë komuna: Tropoja (e vjetër), Margegaj, Llugaj, Bujan, Fierzë, Bytyq, Lekbibaj.

[redaktoni] Demografia

Rrethi i Tropojës ka pësuar ndryshime drastike në rrënjën e popullsisë si pasojë e migrimeve të shumta në drejtim të viseve të ndryshme shqiptare. Në kohëra të reja ka një valë të madhe migrimi në drejtim të zonave urbane të Tiranës dhe Durrësit. Rrethi i Tropojës në vitin 1981 ka pasur 44.779 banorë qe është gati për 16.000 banorë më pak se në vitin 2004.

Ky është një alarm për qeverinë shqiptare e cila duhet të punojë më tepër që të krijoj perspektivë për banorët e zonës të cilët nga skamja dhe papunësia kërkojnë jetë më të mirë.

Numri i banorëve sipas njësive administrative:

Bajram Curr (6.778 banorë)
Tropojë (5612 banorë)
Margegaj (3309 banorë)
Llugaj (2465 banorë)
Bujan (3454 banorë)
Fierzë (2381 banorë)
Bytyq (2134 banorë)
Lekbibaj (2718 banorë)

[redaktoni] Historia

Historikisht treva njihet me emrin Malësia e Gjakovës dhe është vend i lindjes i shumë patriotëve të kombit tonë me të cilët mburret Shqipëria dhe Kosova.

Kjo krahinë i dha kombit shqiptarë shumë bij, Mic Sokolin, Haxhi Zekën, Bajram Currin, Shpend Dragobinë, Tahir Sinanin etj.

Gjatë Perandorisë Osmane ishte pjesë e Vilajetit të Kosovës. Kufiri i vitit 1912 që shkëputi pjesën më të madhe të Kosovës nga Shqipëria la Malësinë e Gjakovës në izolim dhe vështirësoi jetën e banorëve. Kufiri la të izoluar edhe ekonominë e Rrethit.

Nga çlirimi i Shqipërisë e deri në Luftën e dytë botërore Tropoja së bashku me Hasin dhe Kukësin që kishin mbetur këndej kufirit ishte pjesë e Prefekturës së Kosovës, që ishte një nga 10 zonat administrative të Shqipërisë së lirë.

Me çlirimin e Kosovës në vitin 1999 fillon një fazë e re për jetën e banorëve të cilët tani mund të shfrytëzojnë shkollat apo spitalet në Kosovë.

[redaktoni] Kultura

Malësia e Gjakovës spikatet me folklorin të begatshëm. Aktualisht në Bajram Curr vepron Ansambli Kulturor "Dardania". Këngëtar të shumtë kanë lindur në Rrethin e Tropojës: Fatime Sokoli, Arif Vlladi, Fatmira Breshani, Gëzim Nikaj.

[redaktoni] Ekonomia

Ekonomia e Tropojes është kryesisht blegtoralo-bujqësore dhe si pasojë e mungesës të ndonjë industrie, 73% nga afro 8.000 të punësuarit merren me këtë lëmi. Në rrethin e Tropojës gjendet plantacioni më i madh i gështenjave në Shqipëri. Ai eshte 2000 ha dhe ka 185,000 peme. Zona ushqehet nga burime natyrore ujore dhe perben nje mundesi te madhe ekonomike.

Aktiviteti i bletarise ka mundesi te zgjerohet si rezultat I flores se pasur, mjedisit te paster rural dhe kullotave me lule te shumta. Pavarsisht se bleterritesit nuk njihen zyrtarisht, ekziston nje rrjet i lire mes tyre, duke siguruar nje baze potenciale per tregtimin e mjaltit.

Nje nga sekretet turistike, Valbona nuk shfrytëzohet sa duhet, sikur të shfrytëzoheshin kapacitetet e natyrës Rrethi i Tropojës do ishte një nga rrethet me nivel më të lartë jetese në Shqipëri. Qindra Kosovarë vizitojnë Valbonën, për të kaluar fundjavët në ajrin e pastër, peshkim dhe për të përjetuar kënaqësinë e bukurive të shumta.

Rrethi i Tropojës ka 81 kilometër kufi, ndër të cilët 41 kilometër janë me Kosovën dhe 34 kilometër me Malin e Zi, qarkullimi me Malin e zi mungon totalisht, pavarësisht premtimit për hapjen e pikës së re të kalimit kufitar Qerem-Plavë.