Imah

Ti Wikipédia, énsiklopédi bébas

Imah di Jalan Fishpool, St Albans, Inggris

Harti lain tina imah tempo di Imah (disambiguasi).

Imah dina rasa nu geus umum ngarupakeun struktur bangunan meunang manusa nu dihalangan ku tembok jeung hateup. Imah mangrupakeun hiji tempat keur ngahindar tina présipitasi, kaanginan, kapanasan, katiisan, gangguan manusa sareng sato. Masarakat kadang indit ti imah dina sababaraha poe keur kaperluan digawé jeung rékréasi, tapi umumna balik deui ka imah nu boga fungsi utama keur saré.

Sacara umum imah ngabogaan hiji jalan asup, nu ilaharna mangrupa panto atawa gapura, jeung mungkin ngabogaan sababaraha jandéla atawa leuwih.

[édit] Sajarah

Imah geus dipake tempat cicing ku manusa ti zaman pra-sajarah, mimiti dipake salaku alternatif tina cicing dina guha. Bahan, gaya, sarta cara nyieun wangunan geus robah-robah sajalan jeung waktu.

Imah urang Éropah barétona ukur mangrupa saung nu kamarna hiji nu ditempatan ku sakabéh kulawarga sarta ingon-ingon, keur ngajaga imah jeung pangeusina tetep haneut salila usum salju.

Diantara conto tiheula (numutkeun umur perkiraan nu ditéangan ku para arkéolog), imah nu has waktu harita nyaéta palafitte.

[édit] Bentuk sejen

Wangun sejen imah nyaeta apartemén (atawa flat), nu mangrupakeun salasahiji tina sababaraha unit individual nu aya sababaraha tingkat, dipisahkeun ku lantéy, pinding jeung panto tapi dihijikeun pikeun ngawangun hiji wangunan nu leuwih gede tapi aya dina sahateup. Hiji imah nu eusina ukur dua apartemén disebut dupléks. Di Inggris, flat nu boga dua lantéy disebut maisonette. Mansion nyaeta hiji imah nu kacida gedena, seseringna mah kacida pinuh ku hiasan tur hargana mahal.

[édit] Pangiuhan

Bentuk pangiuhan (shelter) nu leuwih basajan batan imah di antarana dugout, ténda (tempo ogé camp), camper, saung, hateup tanpa pinding, atawa struktur kalayan hateup jeung saparo pinding, saperti sering pinanggih dina halte beus, jeung gazébo.