தேங்காய்

கட்டற்ற கலைக்களஞ்சியமான விக்கிபீடியாவில் இருந்து.

தென்னை மரத்தில் தேங்காய்க் குலை

புறப்பட்டையை உரித்த தேங்காய்

துருவிய தேங்காய். வலுவான தேங்காய் ஓடும், உள்ளே வெள்ளை வெளேர் என்று இருக்கும் பருப்பையும் பார்க்கலாம்

தேங்காய் என்பது தென்னைமரத்தின் பழம் ஆகும். இதனை தெங்கம் பழம் என்றும் கூறுவதுண்டு. இது கெட்டியாக இருப்பதால், பழமாக இருப்பினும், வழக்கத்தில் காய் என்றே அழைக்கப்படுகின்றது. தென்னை மரம் தெற்கில் இருந்து வருவதால், அதன் பழம் ("காய்"), தெங்கம்+ "காய்" = தேங்காய் என அழைக்கப்படுகின்றது. தேங்காயின் புறத்தே பச்சையாக இருப்பினும், பழுப்பு நிறத்தில் அடர்த்தியாக நார்கள் உள்ளே இருக்கும். இந்த நார்களை உரித்தால் உள்ளே மண்பழுப்பு நிறத்தில் மிகக்கெட்டியான ஓட்டுடன், ஒரு பெரிய கொட்டை போல் இருப்பது தான் தேங்காய். அந்த தேங்காய்க்குள் தேங்காய்நீர் இருப்பதை ஆட்டிப் பார்த்தால் உணரலாம். தேங்காய் அளவுக்கு மீறி முற்றி இருந்தால் உள்ளிருக்கும் தேங்காய் நீர் முற்றிலுமாய் வற்றி விடும் (அப்படி மிக முற்றிய தேங்காயை கொப்பரைத் தேங்காய் என்பர்). அளவாக முற்றிய தேங்காயை நெற்று என்பர். அந்த கெட்டியான ஓட்டை உடைத்தால் உள்ளே வெள்ளைநிறத்தில் ஏறத்தாழ 1 செ.மீ பருமனுக்கு பருப்பு காணப்படும். இந்தப் பருப்புதான் சமையலுக்குப் பெரிதும் பயன்படுகிறது. தேங்காய் மிக இளசாக இருந்தால் அதனுள் நிறைய தேங்காய்நீர் இருக்கும். இதனை இளநீர் என்பர். இது கோடைக்காலங்களில் வெய்யிலின் வெக்கையைத் தணிக்க அருந்துவர்.

தேங்காய் தென் இந்தியாவில் சமையலில் பெரும்பங்கு வகிக்கிறது. தேங்காயைத் துருவி அதை குழம்பில் மசாலாவுடன் சேர்த்து சமைத்தால் சமையலுக்கு மிகவும் சுவை சேர்க்கும். இதன் பயன்பாடு இந்தியா முழுவதும் மற்றும் மேற்கு நாடுகளிலும் பரவி வருகின்றது.

Coconut, meat, raw
Nutritional value per 100 g

Energy 350 kcal 1480 kJ

Carbohydrates	15.23 g
- Sugars 6.23 g
- Dietary fiber 9.0 g
Fat	33.49 g
Protein	3.3 g
Thiamin (Vit. B1) 0.066 mg	5%
Riboflavin (Vit. B2) 0.02 mg	1%
Niacin (Vit. B3) 0.54 mg	4%
Pantothenic acid (B5) 0.300 mg	6%
Vitamin B6 0.054 mg	4%
Folate (Vit. B9) 26 μg	7%
Vitamin C 3.3 mg	6%
Calcium 14 mg	1%
Iron 2.43 mg	19%
Magnesium 32 mg	9%
Phosphorus 113 mg	16%
Potassium 356 mg	8%
Zinc 1.1 mg	11%

Percentages are relative to US
recommendations for adults.
Source: USDA Nutrient database

"http://ta.wikipedia.org../../../%E0%AE%A4/%E0%AF%87/%E0%AE%99/%E0%AE%A4%E0%AF%87%E0%AE%99%E0%AF%8D%E0%AE%95%E0%AE%BE%E0%AE%AF%E0%AF%8D.html" இலிருந்து மீள்விக்கப்பட்டது

பக்க வகைகள்: தென்னை

தேங்காய்

கட்டற்ற கலைக்களஞ்சியமான விக்கிபீடியாவில் இருந்து.

Views

வழிசெலுத்தல்

தேடு