Bötentatar İctimağí Üzäge
Wikipedia'dan
Bötentatar İctimağí Üzäge (BTİÜ), Tatar milli ictimağí-säyäsi oyışma.
1. oyıştıru qorıltayı 1989. yılnıñ Febrälendä Qazanda uzdırıla. Başta Tatar İctimağí Üzäge dip atala. 2. qorıltayda (1991. yıl, Febral) cämğiätneñ programması häm nizamnamäse qabul itelä, 35 keşelek pezideumı saylana, iseme Bötensoyuz Tatar İctimağí Üzäge dip üzgärtelä. 1992. yıldan xäzerge isemendä. BTİÜne oyıştıruda başlap yörüçelär: M. Mölekev, İ Ämixanov, Fäwziä Bäyrämeva, Z. Zäynulin, R. Safin, F. Safiullin h.b.
Maqsat-progrmması: Tatarlarnıñ däwlätçelegen torğızu, Räsäy Föderasiäse häm başqa däwlä tlär belän tiñ, tigez däwlätara mönäsäbätlär urnaştıru, milli mädäniätneñ, telneñ üseşenä ireşü, Tatar telen çın däwlät tel itü, İslam dine eşçänlegen yañartıp cibärü, başqa töbäklärdä yäşäwçe Tatarlarnıñ milli-mädäni häm üzbilgelänü xoquqların ğämälgä aşıruda yärdän iteşü h.b.
Taşqın, Millät häm İzvestiya TOTs (TİÜ xäbärläre; Urısça: Известия ТОЦ) gäzetläre näşer itelä. Citäkçe organnarı: qorıltay, Ğäli Mäcles (qorıltaylar arasında), Prezidium (daimi eşli), Prezidium räise (almaşlap). Qorıltayları:1.se 1989-da, 2.se 1991-dä, 3.se häm 4.se 1993-tä,5.se 1996-da, 6.sı 1999-da, 7.se 2002-da uzdırıla.[1] Berniqädär mäğlümätlärgä qarağanda, BTİÜdä suğışçan qanatı bar; 1990. yıllarda İçkeriä yawbaşları belän elemtä totqanı uylanıla. [2]
[üzgärtü] Çığanaqlar
- ↑ Tatar Ensiklopediä Süzlege, Qazan, 2003
- ↑ (Urısça) 4. Bötendönya Suğışı säxifäsendä
