جوش ملیح آبادی
وکیپیڈیا سے
| جوش ملیح آبادی | ||
|---|---|---|
| ادیب | ||
| پیدائشی نام | شبیر حسین خاں | |
| تخلص | جوش | |
| ولادت | 5 دسمبر 1898ء، اترپردیش | |
| وفات | 22 فروری 1982ء | |
| اصناف ادب | شاعری نثر |
|
| ذیلی اصناف | نظم غزل |
|
شبیر حسین خاں جوش ملیح آبادی اردو کے نامور اور قادرالکلام شاعر تھے۔
آپ 5 دسمبر 1898ء کو اترپردیش ہندوستان کے مردم خیز علاقے ملیح آباد کے ایک علمی اور متمول گھرانے میں پیدا ہوئے۔ تقسیم ہند کے چند برسوں بعد ہجرت کر کے کراچی میں مستقل سکونت اختیار کر لی۔ جوش نہ صرف اپنی مادری زبان اردو میں ید طولیٰ رکھتے تھے بلکہ آپ عربی، فارسی، ہندی اور انگریزی پر عبور رکھتے تھے۔ اپنی اِسی خداداد لسانی صلاحیتوں کے وصف آپ نےقومی اردو لغت کی ترتیب و تالیف میں بھرپور علمی معاونت کی۔نیز آپ نے انجمن ترقی اردو ( کراچی) اور دارالترجمہ (حیدرآباد دکن) میں بیش بہا خدمات انجام دیں۔ 22 فروری 1982ء کو آپ کا انتقال ہوا۔
آپ کثیر التصانیف شاعر و مصنف تھے۔ آپ کے شعری مجموعوں اور تصانیف میں مندرجہ ذیل نام اہم ہیں۔
- روح ادب
- آوازہ حق
- شاعر کی راتیں
- جوش کے سو شعر
- نقش و نگار
- شعلہ و شبنم
- پیغمبر اسلام
- فکر و نشاط
- جنوں و حکمت
- حرف و حکایت
- حسین اور انقلاب
- آیات و نغمات
- عرش و فرش، رامش و رنگ
- سنبل و سلاسل
- سیف و سبو
- سرور و خروش
- سموم و سبا
- طلوع فکر
- موجد و مفکر
- قطرہ قلزم
- نوادر جوش
- الہام و افکار
- نجوم و جواہر
- جوش کے مرثیے
- عروس ادب (حصہ اول و دوم)
- عرفانیات جوش
- محراب و مضراب
- دیوان جوش
نثری مجموعے
- مقالات جوش
- اوراق زریں
- جذبات فطرت
- اشارات
- مقالات جوش
- مکالمات جوش
- یادوں کی بارات (خود نوشت سوانح)
