صارف:حیدر

وکیپیڈیا سے

تاریکی میں روشنی

یہ ایک میں میں صفحہ ہے۔ یعنی اس پر تو تو کم اور میں میں زیادہ ہوگی۔ اگر اس صفحہ پر آپ کو ڈھونڈنے سے بھی ایک بھی تو نہ ملے تو تبادلۂ خیال کے صفحہ پر تشریف لے جائیں جس کو پڑھ کر آپ بے اختیار کہیں گے:

ہر بات پہ تم کہتے ہو کہ تو کیا ہے

تمہی بتاؤ یہ انداز گفتگو کیا ہے

میرا تعلق پاکستان سے ہے۔ اردو اور میرا وطن میری زندگی میں اہم ترین چیزوں میں سے ہیں۔ میں نے کچھ‍ زیادہ مضمون نہیں لکھے لیکن کوشش یہی ہوتی ہے کہ جو لکھوں جس حد تک ہو سکے جامع لکھوں۔

اگر اردو کے سلسلے میں کسی کو میری مدد درکار ہو تو مجھ‍ سے بذریعہ وکیپیڈیا رابطہ سے نہ ہچکچائیں۔ مجھے آپ کی مدد کر کے خوشی محسوس ہو گی۔

حیدر 17:15, 15 جون 2006 (UTC)

باآواز سوچ

اس وقت وکیپیڈیا اردو دو تباہ کن مسائل میں گھرا ہوا ہے۔ ایک یہ کہ اس طرح کی اصطلاحات استعمال کی جا رہی ہیں جو اپنے موجودہ معنی میں پہلے کہیں بھی استعمال نہیں ہوئییں لہذا قاری خود کو مضامین کی بجائے مقالات میں گھرا ہوا پاتا ہے۔ ایسے مقالات جو بجائے پہلے سے موجود معلومات کے نچوڑ کو قاری تک پہنچانے کے نیا تحقیقی مواد، جو کسی بھی بیرونی حوالے سے ثابت نہیں، متعارف کرواتے ہیں۔

دوسرا مسئلہ تبلیغیوں کا ہے۔ یہ حضرات تمام مکتبہائے فکر سے اس طرف اس لیے کھنچے چلے آتے ہیں تا کہ غیرجانبدار معلومات فراہم کرنے کی بجائے قصیدہ گوئی اور بلاغت لسانی میں طبع آزمائی کر سکیں۔

ان دونوں مسائل کا واحد حل وکیپیڈیا کی پالیسیوں کا غیرہمدردانہ اور بےرحمانہ اطلاق ہے۔

منصوبہ:لغت

وکیپیڈیا پر املا کی بیشمار غلطیاں عام ہیں۔ بیشتر کی وجہ اردو کلیدی تختہ کی پیچیدگیاں، فونٹ کی بصری ساخت، اور ٹائپنگ کی غلطیاں ہیں۔ مدونین کی کمی کی وجہ سے ان غلطیوں کی اصلاح کافی سست ہے۔ اس سلسلے میں میں کوشش کر ریا ہوں کہ سوفٹ ویئر تیار کیا جائے جو کسی بھی صفحہ میں تیزی سے غلطیوں کو تلاش کر کے درست کر سکے۔ اس سلسلے میں، میں نے منصوبہ:لغت کے نام سے ایک صفحہ شروع کیا ہے۔ اس پر ممکن غلطیوں اور ان کی اصلاح کی فہرست ہے۔ یہ فہرست اس سوفٹ ویئر میں استعمال کی جائے گی۔ آپ حضرات سے گزارش ہے کی جو عام غلطیاں آپ کی نظر میں ہیں ان کو اس صفحہ پر اصلاح سمیت شامل کر دیں۔

ایک گزارش

میری اہل اردو سے استدعا ہے کہ انگریزی ترکیبات کا اردو ترجمہ کرتے ہوئے اردو کے ان الفاظ اور تراکیب کا استعمال کیا جائے جو نہ صرف آسان اور عام فہم ہوں بلکہ ہو سکے تو رائج العام بھی ہوں۔

سائنس کی ترقی نے بہت سی زبانوں میں نئے الفاظ کی ایجاد پر لوگوں کو مجبور کیا ہے۔ بدقسمتی سے گزشتہ چند صدیوں سے یہ ترقی صرف مغرب یا مشرق بعید (جاپان وغیرہ) میں ہو رہی ہے اس لیے ہمیں نئے الفاظ کی ایجاد کا بالکل موقع نہیں ملا۔ میری آپ سے گزارش ہے کہ سائنسی تراکیب اور الفاظ کا اردو میں ترجمہ کرتے ہوئے جھجک محسوس نہ کریں اور ہو سکے تو دوسرے اہل اردو وکیپیڈیائیوں سے بھی صلاح مشورہ کر لیں۔ بہتر ہے کہ صرف وہی الفاظ وکیپیڈیا پر رائج کیے جائیں جن پر تمام اہل اردو میں اتفاق رائے موجود ہو۔

میری ناقص رائے میں نئے الفاظ کی ایجاد میں کوئی ہرج نہیں بلکہ یہ ایجادات کسی بھی زبان کی ترقی میں مدد دیتی ہیں۔ تاہم نئے الفاظ کی ایجاد میں احتیاط لازم ہے۔ مثلا Electromagnet کیلیے برقناطیس ایک مناسب نعم البدل ہے کیونکہ Electromagnet بھی Electronic Magnet سے بنایا گیا ہے لیکن Thermometer کیلیے " آلہ مقیاس الحرارت " اہل اردو پر سراسر تشدد ہے۔

(انور مقصود کے تحریر کردہ ڈرامے نادان نادیہ میں ایک کردار نے اسی قسم کی ترجمہ سازی کا مذاق اڑاتے ہوئے کہا کہ Straw کی اردو ہو گی آلۂ کھینچ۔)

--حیدر 05:48, 11 اپريل 2006 (UTC)

چند تراکیب

وکیپیڈیا اردو پر کام کرتے ہوئے مجھ سے کچھ حادثاتی مگر مفید دریافتیں سرزد ہوئیں ہیں۔ اس امید پر یہاں پیش کر رہا ہوں کہ شاید دیگر مدونین کے بھی کام آ جائیں۔ اگر آپ ان تراکیب سے پہلے ہی سے واقف ہیں تو میری خودنمائی کو درگزر فرمائیے گا:

اردو حروف تہجی کی ترتیب دیتے ہوئے بیشتر سافٹ ویئر غیرعربی حروف (مثلا ٹ ڈ گ وغیرہ) سے شروع ہونے والے الفاظ کو فہرست کے آخر میں لے جاتے ہیں۔ مائیکروسافٹ ایکسل میں اس کا ایک حل ممکن ہے۔ درج ذیل فہرست کو من و عن نقل کر کے ایکسل میں ایک کالم میں پیسٹ کر دیں:

ا
ب
پ
ت
ٹ
ث
ج
چ
ح
خ
د
ڈ
ذ
ر
ڑ
ز
ژ
س
ش
ص
ض
ط
ظ
ع
غ
ف
ق
ک
گ
ل
م
ن
و
ہ
ھ
ء
ئ
ی
ے

کالم میں سے حروف والے خانوں کو سلیکٹ کر لیں۔ مینوز میں سے Data پر کلک کر کے ماؤس کا تیر List پر لے جائیں اور Create List پر کلک کریں اور پھر OK پر کلک کر دیں۔ یہ فہرست ایکسل نے مستقل طور پر محفوظ کر لی ہے۔ جب کسی فہرست کو ترتیب دینا مقصود ہو تو اس کو ایکسل کے ایک کالم یا رو میں لکھیں۔ اس کالم یا رو میں سے الفاظ والے خانوں کو Ctrl استعمال کیے بغیر سلیکٹ کریں۔ مینوز میں سے Data پر کلک کریں۔ پھر Sort پر کلک کریں۔ پھر Options پر کلک کریں۔ First key sort order کے تحت فہرست میں سے اردو حروف کی فہرست چنیں اور OK پر کلک کریں۔ OK پر دوبارہ کلک کریں۔ فہرست اب ترتیب سے ہے۔ کاپی کر کے وکیپیڈیا میں پیسٹ کر دیں۔

سانچوں کی تدوین کیلیے Microsoft Wordpad نہایت کارآمد اور مفید ہے۔ مائیکروسافٹ آفس کے ورڈ کے برعکس ورڈپیڈ سانچے میں غیر مرئی حروف کو داخل نہیں کرتا لہذا یونیکوڈ کا مسئلہ نہیں ہوتا۔

میری کاوشیں

ذیل میں ان صفحات کی فہرست ہے جن پر میرا کیا ہوا کام 50 فیصد سے زیادہ ہے۔ ان میں کچھ تراجم اور کچھ کا صفر سے آغاز کیا گیا تھا۔

مضامین

سانچے

ان تمام سانچوں کی تعمیر کا آغاز یا ان پر بیشتر کام میں نے کیا:

اردو	یہ صارف اہلِ زبانِ اردو ہے

یہ صارف ایک
پاکستانی وکیپیڈین
ہے

صارف مسلمان ہے۔

یہ صارف سکے جمع کرنے کا شوقین ہے

اعزازت

		اعزاز طرزیات و فنیات
		اھم و شاندار طرازی و فنی خدمات انجام دینے پر
		حیدر کیلیۓ نشان طرزیات و فنیات۔ منجانب افراز