حبیب بینک پلازہ
وکیپیڈیا سے
حبیب بینک پلازہ پاکستان کے شہر کراچی میں قائم ایک بلند عمارت ہے جسے 1963ء سے 2003ء تک پاکستان کی بلند ترین عمارت کا درجہ حاصل رہا۔ یہ حبیب بینک کا صدر دفتر ہے۔ یہ 4 دہائیوں تک پاکستان کی بلند ترین عمارت رہی اور 2005ء میں ایم سی بی ٹاور نے اس کا ریکارڈ اپنے نام کرلیا۔ اس وقت یہ ایم سی بی ٹاور کے بعد ملک کی دوسری بلند ترین عمارت ہے۔ شہری حکومت نے عمارت کو 40 منزلوں تک کی اجازت دے رکھی ہے۔ اس کے ماہر تعمیرات لیو اے ڈيلی تھے جبکہ تعمیراتی کام ایس محبوب اینڈ کمپنی نے انجام دیا۔
22 منزلہ حبیب بینک پلازہ 1963ء میں مکمل ہوا۔ اس کی کل بلندی انٹینا سمیت 101 میٹر اور چھت تک 95.5 میٹر ہے۔
یہ عمارت "پاکستان کی وال اسٹریٹ " آئی آئی چندریگر روڈ پر قائم ہے۔
حبیب بینک پلازہ میں رویت ہلال کمیٹی کا دفتر بھی واقع ہے اور ہر ماہ اسلامی مہینے کا چاند دیکھنے کے لئے تقریب اس کی چھت پر منعقد ہوتی ہے۔
