سپانٹک
وکیپیڈیا سے
| سپانٹک | |
|---|---|
 سپانٹک / گولڈن پیک کا ایک منظر |
|
| بلندی | 7027 میٹر (23053 فٹ) |
| مقام | پاکستان |
| پہاڑی سلسلہ | قراقرم |
سپانٹک (Spantik) شمالی پاکستان میں نگر کے علاقے میں 7027 میٹر / 23053 فٹ بلند ایک خوبصورت چوٹی ہے۔ اسے گولڈن پیک اور سنہری چوٹی بھی کہتے ہیں۔ سورج کی شعاعیں جب اس پہ پڑتیں ہیں تو اسکا رنگ سنہرا نظر آتا ہے۔ ہنزہ سے یہ ایک خنجر کی طرح اوپر کو اٹھی نظر آتی ہے۔
[ترمیم] رسائی
سپانٹک یا گولڈن پیک نگر کے دشوار گزار علاقے میں ہے۔ اسلام آباد سے ہوائی جہاز کے ذریعے گلگت اور وہاں سے نگر جایا جا سکتا ہے یا پھر پیرودھائی راولپنڈی سے ناٹکو کی بس میں گلگت جائیں اور وہاں سے نگر جانے والی ویگن میں نگر کی آخری آبادی ہوپر تک جائیں۔ ہوپر سے آگے گلیشروں کے اوپر سے جانا پڑتا ہے۔ راستے میں چرواہوں یا سلاجیت نکالنے والوں کے چند گھر ملیں گے۔ کرسٹل بہت زیادہ ہونے کی وجہ سے زمین دھوپ پڑنے پر چمکتی نظر آتی ہے۔ بے شمار رنگوں کے پتھر ملیں گے اور جنگلی گلاب کی قد آدم سے بھی بڑی ہزاروں جھاڑیاں راستے میں ہونگی اور ہر جھاڑی پر سینکڑوں گلاب کھلے ہونگے۔ جہاں چرواہے بھی نہیں ہوتے وہاں کوئی یاک فیملی گھاس چرتی نظر آۓ گی۔ اچھی صحت، سامان اور گائیڈ کے بغیر اس خوبصورت بلا سپانٹک کے پاس نہیں جانا چاہیۓ۔ زیادہ تر غیر ملکی آتے ہیں۔
