مسلمان
وکیپیڈیا سے
مسیح علیہ السلام سے تقریباً چھ سو سال بعد عرب میں ایک نبی پیدا ہوئے جن کا نام محمد صلی اللہ علیہ و آلہ و سلم ہے۔ اہل عرب کے رسم و رواج کی خرابیوں کو دیکھ کر ان کا دل بہت کڑھا اور ان کی بہتری اور اصلاح کے بارے میں جو کچھ ان سے ہو سکا کیا۔ ان کی تعلیم یہ ہے کہ خدا ایک ہے۔ بتوں کا پوجنا گناہ ہے۔ آپس میں لڑنا برا ہے۔ اول اول اہل عرب نے کان دھر کر ان کی بات نہ سنی بلکہ ان کو مارنے کی فکر میں رہے لیکن زمانے کے گزرنے پر تعصب کم ہواـ بہت سے لوگوں نے اپنے اپنے بت توڑ ڈالے اور پیغمبر حضرت محمد صلی اللہ علیہ و آلہ و سلم کے ساتھ ہوئے۔
عرب کے جو فرقے اپنے قدیم دستور کو چھوڑنا نہیں چاہتے تھے انہوں نے حضرت محمد صلی اللہ علیہ و آلہ و سلم اور ان کے پیروئوں کو بہت ستایا۔ لیکن آخرکار یہ بھی مغلوب ہوگئے اور 632ء تک جب آنحضرت صلی اللہ علیہ و آلہ و سلم کی وفات ہوئی قریب قریب سارا ملک ان کا فرمانبردار ہوگیا تھا۔ آپ کے پھیلائے ہوئے مذہب کا نام اسلام ہے۔ اس مذہب پر چلنے والوں کو اہلِ اسلام یا مسلم یا مسلمان کہتے ہیں۔ مسلمان اپنے قرآن شریف کو مقدس اور آسمانی کتاب مانتے ہیں۔ وہ لوگ جو اللّہ كے واحد اور لا شريك ہونے پر يقين ركھتے ہيں اور محمد صلی اللہ علیہ و آلہ و سلم كو اللّہ كا رسول مانتے ہيں پہلى كتابوں اور رسولوں پر يقين رکہتے ہیں اور حيات بعد موت پر يقين ركھتے ہيں!اور غير اللّہ كى بندگى كو حرام جانتے ہيں۔ اللہ کا لفظ عربی زبان میں انگريزی کے لفظ گوڈ ( The God) کے متبادل ہے۔ اللّہ رب العالمين كا ذاتى نام ہے جاپانى زبان ميں مسلمان گي ڈيفينيشن گّوزو تسوٍہائي كا مطلب ہے بناوٹوں كى پرستش كے خلاف لوگ اور کہتے ہیں کہ دین اسلام کا آغاز 622ء سے ہےـ حضرت محمد صلی اللہ علیہ و آلہ و سلم مکہ چھوڑ کر مدینے چلے گئے تھے۔ اس واقعہ کو ہجرہ یا ہجرت کہتے ہیں۔ سن ہجری یہیں سے شروع ہوتا ہے۔ مسلمانوں کا عقیدہ یہ ہے کہ اللّہ ایک ہے۔ حضرت محمد صلی اللہ علیہ و آلہ و سلم اس کے رسول ہیں۔ خدا کے نزدیک سب مسلمان مساوی بلکہ بھائی بھائی ہیں۔ اسلام میں ہندوئوں کی طرح ذات پات کی تمیز نہیں ہے۔
