André Denys
From Wikipedia
André Denys (Gistel, 6 januoari 1948) es vo 't moment de gouverneur va Ôost-Vloandern. Doarvôorn wos't ie polletieker vo de VLD. Ie weunt nu in Gent.
[bewerk'n] Carrière
- André Denys es begonn'n bie zin ouders, dien een familiebedrif oan in de verwerkienge van bêestevelln en wulle in Gistel. In 1969 eit ie een leerlooierie overgenoomn in Zulte, en es ton ôok veruusd noar doar.
- In 1976 deed ie vo 't êest mee an de gemêenteroadsverkiezingen in Zulte ip een nieuwe liste: "De Vrije Christelijke Eenheidslijst".
- In 1977 eit ie in Zulte de lokoale ofdêlienge van de PVV, de toenmoalige VLD ipgericht. Ie eit wel nôoit in de gemêenteroad gezeetn, moar voert ol 27 joar oppositie teegn de CD&V, die onantastboar es in Zulte.
- In 1981 wos 't ie tot volksverteegnwoordiger verkoozn, êest in de Vlamsche Road (1981 - 1995), loater in 't Vlams Parlement (1995 - 2004). In die rolle es't ie vôorol gekend vo zin gedeegn dossierkennisse. Ie oat uutgesprook'n ambities om minister va Landbouw te koomn, moar dad es nôoit gelukt.
- Vanof 1984 wos't ie fractievôorzitter in de Vlamsche Road. Ie es da gebleevn tot 1999.
- Sedert 1 december 2004 es André Denys gouverneur van Ôost-Vloandern, in die rolle eit ie mêer een partie-overstigende rolle.
André Denys is altyd een gedreven polletieker gewist. Als parlementslid vo de VLD et ie pertang vele teegnsloagn te verwerk'n g'ed. Bie 't uutdêlen van de ministerportefeuilles en z'em een poar kêren ostentatief over 't oofd gezien, moa toch is 't ie oendanks z'n oentgoochelinge altyd loyaal gebleevn tegenoovr de partie.
[bewerk'n] Varia
André Denys is nen arten velofan.
Ie is ereburger benoemd in z'n geboortegemêente Gistel.
