Backgammon

From Wikipedia

Backgammon es een bordspel voor twêe spelers. 't Es volgens veel'n 't odste bordspel ter wereld.

E spel datter styf ip trekt en vroeger vele gespeeld wos, is trik-trak.

[bewerk'n] Geschiedenise

Backgammon es ontstoan bi de Perz'n en werd vele gespeeld deur keuningstjes en ander'n me blau bloed.

In 1920 es den verdubbeler eroan toegevoegd vo et spel ietwa oantrekkelyker te moaken. 't Werd wel nog oltyd gespeeld door de beuv'nklasse.

In de joar'n tjessentig begon 't spel wa aan popularitit te winn'n. Da deur Prince Alexis Obelensky die de wereldkampioenschapp'n begon t'organiseer'n ip de Bahamas.

In de joar'n tsjeventig woar'n het de eugtdoag'n voor het spel. Het spel begon van de beuv'nklasse noa de midd'nklasse te stig'n en euk de jonger'ngenerase begon 't spel te waarder'n.

In de joar'n tachentig was 't spel iet minder populair. Da deur de computerspell'n. In de joar'n tneg'ntig kont ge 't spel ip de computere spel'n, en doarmee kont ge veel eenvodiger jon tacktiek'n ontwikkl'n en deur midd'l van berekeningstjes kont ge den bestn zet bepoal'n. Int nieuw millenium kunt ge Backgammon zelf online speel'n. Daormee kunde euverol speel'n en vele geld verdien'n.

[bewerk'n] De spelregels

Backgammon speel je nermoal me 2. 'n Êen speelt me zwort, 'n aarn me wit. 't Is de bedoelienge om de blokjes van joen eign kleur ollemoale in jen eign kot te krygn. Dat doeje deur je bloksches te verzetn. Je meugt verzetten 't gêne daj esmeetn et me 2 teirlienks. At e speler 2 en 5 smiet, meugn ofwel met 1 bloksche 2 en 5 (da goat nie ossan) ofwel med êen bloksche 2 en met en aar 5. Aje 2 dezeste nuumerôos smiet, meug je 4 kêers vooruut goan.

Je kud oek de bloksches van aarn speler pakn. Zolange dan bloksches me minsns 2 stoan, kun ze nie epakt zien, bloksches die ollêne stoan wel. 't Is dus intressant om je bloksches zovele meugelyk tope t'oen. Aje e bloksche epakt ziet, toene vliegt 'n dien uut spel en moeje probeern om were in 't spel te groakn deur te smietn en in e kot te groakn die nog vry is (atte 5 vry is, toene kuj doar in, vry wult zegn datter van aarn speler gin 2 of mêer bloksches stoan). De reekn goan ezo: 6 ligt dichste van 't midn van 't spel, 1 ligt an buutnkant. Aje dus nuumerôos smiet woavan dan de reekn nie vry zien, toene meug je dien toer nie speeln, oek nie me jen aar blokn, want je ku mo speeln an ol je blokn in't spel zien (buutn aj ant uutspeeln ziet, ieroender mêer uutleg).

Aje uuteindelyk ol je bloksches in jen eign kot et, moeje probeern van ze ollemoale uut spel te krygn vôorn atn aarn speler dat ekun et. Dat doeje deur me je teirlienks te smietn. Aje dus e 4 en en 1 smiet, toene meug je e bloksche uut de 4 en 1 uut de 1 oaln. Aje in e reke (de zeste volgorde lyk weer int spel groakn) gin bloksches et, toene moeje verzetn. Nimt bevôorbeeld daje bloksches et in de 6, de 3, de 2 en de 1 en je smiet 4 en 5, toene moej eki 4 en eki 5 verzetn vanuut de 6.

't Ku gebeurn datn aarn speler nog bloksches et in joen kot, toene moeje met e bitje mêer taktiek speeln en oltemets verzetn in te plekke van blokn uutoaln.