Beaulieu
From Wikipedia
Beaulieu of Baljeu in de volksmond es un tapite firma van de familie De Clerck eut Wielsbeke die van niemendolle toot en internationoal imperium hehroeid es in un hoe viftig joar. Voar zoanne snelle hroei moei natuurlijk utzonderlyke karakters en doenders ein die ip alle gebied ip t'boardeke van t'meuhelyke keun balanceren.
Roger – Boer – De Clerck (81) ut Wielsbeke licht an de basis vant 't succesverhael waoran der en kwalyk reuksche hangt va zakk'n vul zwart held. Er zeun 43 gerechterlyke onderzoeken tegen Beaulieu en de fiscus eist nog e achterstallig belastingsbedragschje va rond de 400 miljoen euro. An den andere kant zeun de Beaulieu dochters were an't fusioneren en stellen ze mier dan 5000 man te werke. Voar de familliedetails, zie Familie Roger De Clerck
[bewerk'n] Overzicht
Stamvoader Roger De Clerck was 1924 geborn lyk twide zeune ut en vlasboerngezin in wielsbeke. Je groeide up up de boerderie Ter Lembeek, en tis vandoa, tope me ze manier va handeln, datn ze name "Boer" Clerck gekregn et. De jonge Roger was niet bepaald en goe student. Twas meer een vant doenwerk, dan vant peiswerk. Roger was nie echt een simpatiekn, je was in je joene jarn gekend voe je agressif gedrag en vechtlust. Die karaktertrek is em ook nuttig gewist voe de boerderij over te pakk'n, terwijl da zen oudste broere daar eigelyk meer recht up at.
Roger is in 1951 vant strate geraakt met Anne-Marie Hanssens ut Gullegem. Maar kort achter datn de boederie at overgenomn storte de vlasmarkt ineen. Noodgedwongn veranderde boer Clerk va activiteit, met platsiern va weefgetouwn bie kljiene zelfstandige wevers. Je zag et natuurlyk groots, je wilde bedrifslieder wordn en meschen oender em latn werk'n. Je gingk ook een staptje in de politiek zetn, via de CVP. Jet et wel nooit toet burgemeester geschupt van Wielsbeke. Na tschint zoe ie da overgelatn en a zenne goe maat Noel Demeulenaere.
Ter Lembeek kreeg al zere a goed name, ook in 't buutnland, wao da ze geern met Boer Clerck samenwerktn, voaral vanwege ze lage priezn, soms voa de goe kwaliteit. 't Bedrif groeide heel zere, ze begostn ook tapietn te wevn, en gaf underzeve de name van Beaulieu, en verwiezinge na en beroemde poorte van 't stadje Ayre-sur-Lys wao de Leie voorbiestroomt.
De groep Beaulieu werd gestuurd vanut en dudelyk motto: Roger is de baas. Der moest keihard gewerkt wordn. Ie controleerde naturlyk alles: 't beleid en de werkvloer. Ot er etwat nie liep lyk of da iet et wilde, schreeuwde ie de kaders van de meur. 't Agresief karakter van de Beaulieu groep, zorgde der natuurlyk voorn da ie nie al te vele vrydn makt. O Roger e concurent koste zeer doen gingt iet zeker nie latn.
In de joaren viftig woaren der veel kljiene zelfstandige vlasboazen die wel moesten veranderen van stil omdat 't vlas nieme marsjeerde. 'n Dêel gieng in de leemploaten, 'n ander in de weverieen. 't Was oak de periode voar den BTW en in dien tyd was 't hieltegans normoal datn goen 'ilft van de commerce in 't zwart was. En da zwart geld, dad'ein ze bi den Beaulieu langer euthouden dan d'andere, en ein ze 'r nu oak mier mYzerie mee.
Achter de upsplitsing in 1989, veu ieder kind e mini-Beaulieutje bluft Beaulieu up slichte voet staon met 't gerecht en de fiscus. In 1989 en eerste keje mis in Groot-Britanje. Jan De Clerck, zen broere Dominiek en vuf kaderledn moetn e weke in de bak voe beschuldiging va in 't zwart verkopn van tapietn. 't Geld zoe via koerriers na Belgje gesmokkeld zien tusschn de baggage en kleers. Achter twee joar kwamn ze tot een overeenkomste voe 2 miljoen euro te dokk'n, zonder schuld te bekenn.
Moar de fiscus oat bloed geroken en da was 't begun van een hiele serie onderzoeken. Ook in Belgie liepn der verschilnde onderzoekn na fraude vanwege de familie De Clerck, via allerlie fynanciele structurn waar da Pol en Jo nog een puntje an zoe kunn zuign.
Omda rond 1990 de oofdspecialiteit van Beaulieu, tapiten en tapis plein in het begun van 1990 serieus begoste markt te verliezen, ein z'er zêre de laminoatn biegepakt in novolginge van Unilin (Quickstep).
In 't begeun van de joaren twiedeuzd begoste Beaulieu te beseffen da in ne krempende markt van de tapiten de groatste konkurrent de eigen familie was. Olverweuge 2005 ein ze toan oak beslist om 't miestendiel van de Beaulieu firmatjes were in ien firma "Beaulieu International Group" onder te bringen. In principe est doagelyks behier in anden van professionele managers en eit de faimilie der niks in te piepen. Moa iens ne De Clerck, olsan ne De Clerck.
[bewerk'n] Overzicht Gerechtszoaken
Dat is iets woar da n'katte eur joengen nie mie zoe in were vinden. Niemand es in stoat een goe overzicht te geven, aliene moar een aantal feiten.
Recent gerakt bekend da de biezondere belastingsispasectie nog 228,5 miljoen euro achterstallige belastingn moe en van de tapietngroep Beaulieu, met de rente daarbie gereknd komt da up e slordige 400 miljoen euro.
[bewerk'n] Overzicht evolutie Beaulieu
[bewerk'n] Ter Lembeek
[bewerk'n] Beaulieu Kunststoffen
[bewerk'n] Domo
Jan en Martine De Clerck kochtn under ook in 1997 letterlyk vry ut de bak, deur e borgsomme va 2,5 miljoen euro up te oestn achter da ze in verdenking gesteld worn van fiscaal gesjoemel. Een jaar later trekn ze under portefeuille nog e kieje wied open voe tot een overeenkomste te komn in verband met te betaln boetn en belastingn.
[bewerk'n] Beaulieu America
[bewerk'n] Beaulieu Australia
[bewerk'n] De Verlipack saga en het Waalse gewest
[bewerk'n] Beaulieu South Africa - Belgotex
[bewerk'n] Beaulieu China
Vaneut verskillende Beaulieu vestigingen zeun der masinen gedemonteerd en verskeept noar China. Doar begunnen de chineeskes nu neistig te droaien an un poar Euro per dag. Ne nieuwen markt komt eran...
[bewerk'n] Berry Group
Berrytuft, Berryfloor, Orotex, Orotuft
[bewerk'n] Ideal
[bewerk'n] Beaulieu International Group
Categories: Textiel | Out
