Unilin Groep
From Wikipedia
- Dit artikel zoe beter erschreevn weird'n in 't Wielsbeeks.
Unilin Groep is e Belgisch bedrief. 't Is e spoanploaten- en laminoatfabrikant, gevestigd in Wielsbeke. D'r werk'n mêer dan 2300 menschen. De groep is onderverdêeld in departementn lyk Unilin Decor en Unilin Flooring. Êen van de topmann is Frans De Cock.
[bewerk'n] Geschiedenisse
- Unilin (Union de lin) is gesticht de vufdn van moarte 1960 deur verschillende vlasmesjangs die kapot an 't goan woaren in de joaren viftig.
- Dat de stichters uut verschillige families kwaamn is ol bezonder, want in West-Vloandern wos da mêestol 't geval ni. De families Thiers en Van Canneyt woarn de belangrykste takk'n: tôpe oan ze zeevne van de 22 oprichters. Andere stichtnde families woaren Vanacker, Verbeke en De Cock.
- 't Startkapitoal wos 28 miljoen oude Belgsche frangs.
- Ze begosten mè van vlasafvol (lemen en kroten), leemploaten te moaken. Doavôorn wirden de lemen gemiengeld me kolle, geprest, gedrôogd, geschuurd en ip moate gezoagd. Loater evolueerde da noa spoanploaten, etzelfde principe, moa ip boasis van gemeulen outbitjes omdat de lemen nie mêe te krygen woaren en da leemploaten eigenlyk vroot slichte ploaten woaren.
- Frans De Cock komt in 1969 bie Unilin die ôok voe diversificoatie zorgde: ze woaren van d' êeste om spoanploaten af te wirken (Unilin Decor) en voe de Quickstep vloerlaminoaten ip de markt te bryngn.
- In 1998 oalde Unilin Tivapan, ne concurrent van Unilin Decor, binn' ten nodêle va Spano. Da veroal oat e roar kantje omda Thiers en Verstraete die firma oan ipgericht en nu zelve andêelouder woarn van Unilin.
- Vanof de joarn '90 zin der ôok vele spanniengn met en andere grôte ondernemersfamilie: Beaulieu, die ulder veel loater in den MDF en laminoaten gesmeten oan. Beaulieu is eigenoare van Berry Floor en d'r kommn processen tegen Unilin da eigenoare is van concurrent Quick-Step (laminoatvloern van Unilin Flooring). Unilin won.
- In 2005 es den Unilin Groep overgekocht deur Mohawk Industries, een Amerikoanschen groep, voe 2220 miljoen euro.
