Ferdinand Verbiest
From Wikipedia
Ferdinand Verbiest S.J. (Pittem, 9 oktober 1623 – Peking, 28 januoari 1688) was een Vlamse zezuiet, missionoaris en astronoom.
Ferdinand Verbiest was de ’t vierde kiend van Joos Verbiest die baljuw en oentvanger was in Pittem. Je dee zen middelboar by de zezuieten in Brugge en Kortrik, vo dorachter in Leuven te goan studer’n in de wiskunde en de wysbegeerte. In 1659 gynkt ie t’oope med een groep andre missionoarissen no China. Do wordt ie utendelik een goeie moat van de keizer K'ang-shi die em zelfs toet mandarijn benoemdige. An ’t Chinees of oenderscheidet ie em deur zun werk ip astrologisch gebied: Je vergeleekt de Chinese moankalend’r met de Westerse zunnekalend’r en dodeure kost ie an de èèsten verbetering’n anbrieng’n. Je bouwdige oak een antal instrumenten en een observatorium vo de keizer. Je bouwdige een wèreldbol, zunnewyzers, woatereurwerk’n en ydraulische pompen tegen overstroming’n. Vo zun moat de keizer maktet ie oak een stoomwagentje womee dat ie deur de gang’n van ’t paleis tuftige.
Neffest Vlams klapte Ferdinand Verbiest nog Latyn, Duuts, Frans, Spoans, Italioans, Chinees en Tartaars, wa dat em ook ols diplomoat stief van passe kwam.
Verbiest kost ip een bepaald moment an de doadstraffe oentsnappen os de Christenen an ’t of van oogverroad beschuldigd werden deurdat ie een zunsverduusterienge koste verspellen. Je stierft ip 28 januori 1688 in Peking en je kreegt dor een stoatsbegravinge.
