Brugge

From Wikipedia

Dit artikel es geschreevn in 't Brugs, en da zoe best ozô bluuvn.

Stad Brugge
Brugge
Liggienge binnen het arrondissement Brugge in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Brugge
Liggienge	{{{nb}}} NB {{{ol}}} OL
Liggienge	51°12′NB 3°13′OL
Ippervlak	138,40 km²
Inweuners (Bron: NIS)
Inweuners – Vintn – Vrown – Bevolkiengsdichtheid	117.224 (01/01/2006) 48,43% 51,57% 847 inw./km²
Leeftydsipbow 0–17 joar 18–64 joar 65 joar en oeder	(01/01/2004) 18,71% 61,70% 19,59%
Buutnlanders	2,46% (01/07/2005)
Weirklôoseidsgroad	7,40% (01/01/2006)
Polletiek
Burgemêester	Patrick Moenaert (CD&V)
Coaliesje	CD&V, SP.A
Zetels CD&V SP.A VLD Vlaams Belang Groen! Onafhankelyke N-VA	47 19 12 6 3 3 3 1
Dêelgemêentn me postcode
Postcode	Dêelgemêente
8000 8000 8200 8200 8310 8310 8380 8380	Brugge Koolkerke Sint-Andries Sinte-Machiels Assebroek Sint-Kruus Dizjille Lissewege
And're info
Zonenummer	050
Poliesjezone	{{{polz}}}
Webadres	www.brugge.be

d'Olletorre van Brugge

Brugge is d'oofdstad, en tevens de grôotste stad, van de Vlamsche provinsje West-Vloandern en van 't arrondissement Brugge. 't Ligt in 't nôordwestn van Belgje.

Der weun'n mêer of 117.000 menschen in Brugge, oengeveer 20.000 doavan weunen in 't oede centrum.

[bewerk'n] Bezienswèèrdigheed'n

Brugge is e museum ip z'n eig'n, beroemd over hjil de wèreld. Brugge èt ton ôok joarliks vele miljoenn buutenlandsche bezoekers, en is domee volgenst sommigte Bruggeling'n te druk vo der e geweun leevn t'en. 't Stad, of 't istorisch centrum, èt de vorme van 'n ei en is oengeveer 430 ectoaren grôot. De hêle gemêente is mêer of 13.840 ectoaren grôot, woavan dat er 193,7 ectoaren in zêe lign, bie Zêebrugge. Dêelgemêenten zien Kôolkerke, Sint-Andries, Sinte-Machiels, Assebroek, Sint-Kruus, Dizjille, Zêebrugge en Lissewege.

Een oantal van Brugge's poarels zien: d'Olletorre, de Zeruzalemkerke, d'Illig-Bloedkapelle, ...

Êen van de joarlikse evenementn is 't Cactusfestivol. Ieder joar goat er ôok nen stoet uut: d' Illig-Bloedprocessie. En um de vuuf joar em me de Gouden Boomstoet.

In Sinte-Machiels ligt 't Boudewijn Seapark.

Den Damsche Voart, populair bie de fietsers, begunt in Brugge en endigt in Sluus.

[bewerk'n] Dêelgemêentn

D'ippervlakte van 't stad Brugge is ferme vergrodderd deur de joar'n. Ieroender è je 'n overzichtje van de g'annexèèrde gemêenten en weunkernen ('t jaar van de fuusje en de ipgegeevn gemêente stoa weregegeevn).

1899 - gemêente Sint-Pieters-op-den-Dijk, weunkern Sint-Jozef en de loat're industriezone Zwankendamme
1901 - 't loat're Zêebrugge
1932 - weunkern Zwankendamme
1971 - de gemêenten Assebroek, Dizjille, Koolkerke, Lissewege, Sint-Andries, Sint-Kruus en Sinte-Machiels

Allêne de gemêenten dan der in 1971 zien by gekom'n, kunn echt dêelgemêentn genoemd wordn.

#	Noame	Ippervlakte	Bevolkienge (2005)
I	Brugge - Centrum - Kristus Koning - Sint-Jozef - Sint-Pieters	29,91	37.041 20.227 4.400 4.907 7.507
II	Kôolkerke	4,17	3.147
III	Sint-Andries	20,65	19.430
IV	Sinte-Machiels	9,59	12.422
V	Assebroek	8,52	19.473
VI	Sint-Kruus	16,84	16.224
VII	Dizjille	21,92	2.447
VIII	Lissewege - Lissewege - Zêebrugge - Zwankendamme	26,80	7.131 2.488 3.930 713

't Begynof is 'n oaze van rust in de stad

Avoendbjild bie de fonting ip 't Zand

Brugge is oltyd schoane

Dovoaren bluuven de toeriesten no Brugge kommen

't Zand met Concertgebow

Brugge in de sneeë

Zykant van 't Oed Sint-Jan

't Staduus me de Vlamse Lèèw

Detail van 't staduus: de Bourgondische Ertoogn

Brugse zwoantjes

Nog 'n schoan zicht van Brugge

'n Brugse koetse

[bewerk'n] Polletiek

Den burgemêestre van Brugge is Patrick Moenaert. Sedert de kiezinge van oktoob're 2006 is 't er e coalisje van CD&V/NVA met SP.A/Spirit en VLD.

[bewerk'n] Toale

(onder constructie) D'er zien nie zo véle Bruggeling'n nie mè dan nog echt gwoed Brugs klapp'n, mor in vergeliekienge mè de rest van Vloander'n is de strêektoale ier toch nog gwoed intact.

Ier vindje mêer oovr de Brugsche vormleer.

[bewerk'n] Cultuur en kunst

[bewerk'n] Théoaters en concertzoalen

Biekorf
Den Boend
Bogardenkapelle
Concertgebow
Den Diek
The English Theatre of Bruges
't Entrepot
Jan Goaremienzoale
Magdalenazoale
Stadsschoeburg
De Werf

[bewerk'n] Cinéma's

Cinéma Lumière (olternatieve films)
Cinéma Liberty
Kinepolis Brugge

[bewerk'n] Festivols

Cactusfestivol
Klienkers
Filmfestivol Cinema Novo
Festivol van Vloandern Musica Antiqua
Dudstock
Thoprock

[bewerk'n] Musea

Stedelyke musea
- Schôone Kunstn van de 15de toe d' 21ste eeuwe:
  - Groeningemuseum
  - Arents'uus
  - Forum+ [Concertgebouw] (tentoônstellieng'n actuêle kunst)
- Bruggemuseum (verzamelnoame voe 7 'istorische musea):
  - Archeologie
  - Belfort
  - Brugse Vrije
  - Gentpôort
  - Gruuthuse
  - Onthoalkerke O.L.V
  - Stad'uus
- 'Ospitoalmusea:
  - Sint-Janshospitoale (Memlienk in 't Sint Jan)
  - O.L.V.-ter-Potterieë
- Volkskunde:
  - Museum voe volkskunde
  - Guido Gezellemuseum
  - Sint-Jans'uusmool'n
  - Koeleweimool'n

Nie-stedelyke musea
- Begyn'uustje
- Choco-Story
- Diamantmuseum Brugge
- Iengels Klôoster
- Illige-Bloedbasiliek
- Hof Bladelin
- Zeruzalemkerke
- Kantcentrum
- Lumina Domestica (lampenmuseum)
- Sint-Jorisgilde
- Sint-Salvatorskathedroale
- Sint-Sebastiaansgilde
- Sint-Trudo Abdieë
- Volkssternwacht Biesbroek
- O.L.Vrouwe-Bezoekingskerke (Lissewege)
- Ter Doest (Lissewege)

[bewerk'n] Oaven

Brugge èt ôok e grôte en belangrieke oavn, d'Oavn van Brugge-Zêebrugge. 't Is éên van de grotste en modèrnste oavns van Europa.

[bewerk'n] Transport en verkêer

Vanuut Brugge kun je noar olle kanten, zowel over 't woater, de boane of den spôorweg.

Der is e voart van Brugge noar Ostende, van Brugge no Gent, van Brugge no Damme en e zêekanoal ('t Boedewienkanoal) tussen Brugge en Zêebrugge dat de Brugse binnoavn verbiendt mè de Zêebrugse vôoroavn en de Nôordzêe.

Over d' ottostroade kun je vanuut Brugge den E40 pakk'n no Gent en Brussel en in d' andere richtienge no Veurne en Calais, den E403 no Kortriek en Dôornik, den A10 noar Ostende en den N31 no Zêebrugge (mo dezen zien ze nog an't ommebouwen no vollêdige ottostroade deur ol de geliekvloerse kruuspuntn dan der nog zien weg te werkn me tunnils en bruggen). Der zien ôok mêerdere grote invalsweeg'n vanuut ol de windstreek'n richtieng Brugge, en omgekêerd.

Vanuut de grôte stoatie van Brugge is 't er per uur minstens 1 tring nor ol d' andere belangriekste steed'n van Belgje en zien der donevest ôok nog verschillige locale trings. In sinte-Pieters is 't er nog e klein stoatietje, nl. Brugge-Sint-Pieters.

De dichste luchtoavn bie Brugge ligt in Ostende, ip ±20km van Brugge; D' Internationoale Luchtoavn Ostende-Brugge

[bewerk'n] Bekende Bruggelieng'n

Guido Gezelle: Dichter
Jacob van Maerlant: Schryver
Simon Stevin: Wiskundige
Raoul 'Lotte' Lambert: voetboller
Renaat Landuyt: Minister van mobiliteit en de Nôordzêe
Luc Van Lierde: Triatleet
Geert Hoste: Kluchtigoard moar ipgegroeid in Woardamme (Ôostkamp)
Bruno De Roover: Striptekenoare
Lieven Verstraete: Nieuwslezer by de VRT
Willy Lustenhouwer: Komiek
Guido Depraetere: TV-persôonlykheid en Baziel-vertolker
Stéphanie Meire: Ex-Miss België, actrice
Karel De Wolf: Apotheker, schreef n poar boekskes in 't "vereedeld" brugs
Hugo Claus: Schryver en dichter
Pieter Aspe: Schryver
Phaedra Hoste: Fotomodel
Emile Buysse: Schryver en nationoalsocialist
Etienne Vermeersch: Professor, moroalfilosoof
Luk Alloo: TV-fenomjin
Chris Dusauchoit: TV-fenomjin
Tine Dusauchoit
Benny Scott: Zanger

[bewerk'n] Voetbol

In 't voetbol wordt Brugge vertegenwôordigd deur twêe voetbolploegen in êerste klasse: Club Brugge (kluup) en Cercle Brugge (sirkul). Ze spêlen olletwije in't Jan Briedelstadium (30 000 zitplekken).