Flor Barbry's Volkstoneel voor Frans-Vlaanderen
From Wikipedia
 |
- Dit artikel zoe beter erschreevn weird'n in 't Westouters.
Flor Barbry's Volkstoneel voor Frans-Vlaanderen (Frans: Théâtre populaire pour la Flandre française de Flor Barbry) is e tonêelgezelschap van amateurs da optreedt in West-Vloandern e voerol i Frans-Vloandern.
Nunder doel is om 't West-Vlams levendig t'oudn, ol weerskantn van de Schreve. Deur de verfranschieng van Frans-Vloandern wos 't er doar ol sedert 'n 18sn êeuw gèn Vlams theoater ne mè. Ze speeln in 't Westouters dialect en lettn styf goed op dander nie te vele 'vrèmde' wôord'n in kommn.[1]
Inoud |
[bewerk'n] Geschiedenisse
't Gezelschap is eigentlyk egroeid uut de verênigieng De Verbroedering uut Westouter. 't Gezelschap noemde loater va tyd Volkstoneel voor Frans-Vlaanderen, en azo bestoat et ol sedert 1954. 't Êeste stik da ze opvoernde wos Woa dat de Sterre bleef stille stoan va Felix Timmermans, in december 1954. In 1986, achter de dôod va Flor Barbry, en ze 't na nem vernoemd. Barbry wos ni ollêne êen van d'oprichters, moar oek schryver, vertoaler, acteur e regisseur. Vanof da moment e Greta Barbry, ze dochter, de leidieng overenoomn, toet da ze stierf in 1999. Vanof ton, toet nu nog ossan, zin der vier menschen verantwôordelyk. Roland Delannoy, e schôonzeune va Flor Barbry, is de vôorzitter.
[bewerk'n] Erkennieng
't Volkstoneel won in 1980 de 11ste André Demedtspries.
[bewerk'n] Externe koppelienge
[bewerk'n] Bronn'n
- ↑ Interview mè Roland Delannoy, URL bekeek’n op 08/01/2007
