West-Vloandern
From Wikipedia
De provinsje West-Vloandern is êen van de tien provinsjes van België. 't Is de provinsje die 't mêest in 't Westn van Vloandern ligt en d'ênigste in België die an de zêe ligt. d' Oofdstad is Brugge, andere belangryke steedn zyn Kortryk, Ostende en Roeseloare. Moa West-Vloandern is 't mêest gekend va zyne kust: een strepe van 66 km woar dat hêel België noartoe trekt ot schôon were è.
Buutn de kust ei j' ôok nog andere streekn:
- Bachten de Kupe en de reste van de polders
- Euvelland, de streke rond de Kemmelberg (156 mèters oge), met uutlopers noa Vrankryk
- de busschn roend Brugge
- 't Outland, de streke roend Toeroet
- de Leiestreke
- de streke rond Yper, met zyn vele monumentn die den Êestn Weireldoorloge van '14 - '18 erdenkn
- de Westoek, oengeveer de streke tusschn Wervik, Veurne en Diksmude
De officiële toale in de provinsje is Nederlands, moa der zyn teegn de toalgrenze wel de faciliteitengemêentes Spiere-Elkyng en Mêesn. In de provinsje klappn de menschn meestol wel 't typische West-Vlams.
