Gent-Wevelgem
From Wikipedia
Gent-Wevelgem es e koerse, ênerzeids voo sprinters (oat alles tôpegebleevn es ip de Kemmelberg) of voo ânvallers (oa ze weggerakt zin ip de Kemmelberg). Noast de Kemmelberg als scherprechter, ei je ôok nog een lange tutte lâs'n de kust. Omda ze van Ôost noa West ryn lâs'n de kust, ein de coureurs mêestal teegnwind. Da leidt tot de typische woaiers, een twadde woar da de butenlanders nie an gewend zin. 't Es ôok vrêe afmattend, en bepoalt doardeure de reste van de koerse. Den koers begost vroeger in Gent, moa van 2004 startn ze in Deinze. Den arrivée ligt in Wevelgem.
Gent-Wevelgem makt sins 2006 deel ut van de zogenoamde 'Pro-Tour', een soamenroapsel van wa da de belangrykste koersn van het joar zin. Ze wordt gereden in april, tussjen de Roende van Vloandern en Paris-Roubaix.
Sommigte West-Vloamingn ein de koers ol gewonn'n: Nico Mattan, Freddy Maertens, Briek Schotte,...
[bewerk'n] Recente winnoars
- 2007 Marcus Burghardt (Dui)
- 2006 Thor Hushovd (Noo)
- 2005 Nico Mattan (Bel)
- 2004 Tom Boonen(Bel)
- 2003 Andreas Klier (Dui)
- 2002 Mario Cipollini(Ita)
- 2001 George Hincapie (USA)
- 2000 Geert van Bondt (Bel)
- 1999 Tom Steels (Bel)
- 1998 Frank Vandenbroucke (Bel)
- 1997 Philippe Gaumont (Fra)
